Read De Bibel JHF Hiob 36 Bible Online

Hiob 36 - De Bibel JHF bible

Hiob 36

¹Un Elihu jinkj wieda un säd:

²Wacht opp mie een bät, un ekj well die berechten; dan noch sent fa Gott Wieed doa.

³Ekj well mien Weete von wiet häa holen, un mienem Erschaufa Jerajchtichkjeit jäwen.

⁴Dan woarhauft, miene Wieed sent kjeene Läajes; eena aun Erkjantnis Vollkomna es bie die.

⁵Kjikj, Gott es majchtich, un doch veacht hee kjeenen, - majchtich aun Krauft en sienem Hoaten.

⁶Hee helt däm Gottloosen nich aum Läwen, un daut Rajcht de Älendje schauft hee.

⁷Hee dreit siene Uagen nich auf von däm Jerajchten, un met Kjennichs opp däm Troon, doahan sat hee an opp emma, un see sent erhowen.

⁸Un wan see met Faslen jebungen sent, un en Älentsstrenj jefangen woaren,

⁹dan moakt hee an to weeten äa Doonen un äare Äwaträdungen, dan see ha sikj äwahowen;

¹⁰un moakt an daut Ua de Zucht op un sajcht, daut see omdreien sellen vom Fräfel.

¹¹Wan see hieren un unjadon sent, soo woaren see äare Doag en Jlekj vebrinjen un äare Joaren en Freid.

¹²Oba wan see nich hieren, soo ranen see aum Schwieet un vegonen onen Erkjantnis.

¹³Oba dee ruchloose Hoaten sent, häaje Oaja: See roopen nich om Help, wan hee an jebungen haft.

¹⁴Äare Seel stoaft doahan enne Jugent, un äa Läwen unja de Huaren.

¹⁵Däm Älenden rad hee en sienem Älent, un en de Triebsaul moakt hee an daut Ua op.

¹⁶Soo haud hee uk die ut däm Rach de Bedrenkjnis en eenem wiedem Rum jefieet, woa kjeene Enjheit jewast, un dien gooda Desch wudd voll Fat sennen.

¹⁷Oba du best met däm Uadeel de Gottloose erfelt: Uadeel un Jerecht woaren die jriepen.

¹⁸Dan de Jrim, mucht hee die nich toom Veheene velocke, un daut groote Leesjelt veleid die nich!

¹⁹Sull die dien Schrieen un aule Aunstrenjunk diene Krauft die ut de Bedrenkjnis fieren?

²⁰Lua nich no de Nacht, dee de Velkja plazlich wajchfäaje woat.

²¹Heed die, drei die nich nom Fräfel, dan daut trakjst du däm Älent väa.

²²Kjikj, Gott haundelt vollkomen en siene Macht; wäa es een Liera aus hee?

²³Wäa haft am sienen Wajch väajeschräwen, un wäa doaf sajen: Du hast Orrajcht jedonen?

²⁴Denkj doaraun, daut du sien Doonen groot moakst, daut Menschen besinjen.

²⁵Aule Menschen kjikjen daut aun, von wiet sitt de Stoawenda daut.

²⁶Kjikj, Gott es too groot fa onse Erkjantnis; de Zol von siene Joaren, sent onerforschlich.

²⁷Dan hee trakjt Wotadreppe nohecht; von däm Donst, däm hee moakt, see faulen rauf aus Räajen,

²⁸dan de Wolkjen drepple rauf opp väle Menschen.

²⁹Vesteit maun äwahaupt daut utbreeden de Wolkjen, daut Krache en sienem Zelt?

³⁰Kjikj, hee vebreet om sikj sien Licht ut, un däm Mäaresgrunt bedakjt hee.

³¹Dan doa derch recht hee de Velkja, jeft Speise em Äwafluss.

³²Siene Haunt bedakjt hee met Blitz, un hee jebeed am jäajen däm janjen, däm hee trafen saul.

³³Sien Donnre, vekjindicht sien komen aun, soogoa daut Vee sien nodakomen [em Jewitta].