Read De Bibel JHF Hiob 39 Bible Online

Hiob 39 - De Bibel JHF bible

Hiob 39

¹Weetst du de Jeburtstiet de Steenbakj? Beobachst du daut jebuaren de Herschkjäj?

²Talst du de Monen, dee see erfellen, un weetst du äare Jeburtstiet?

³See kjrelle sikj, loten äare Junge derchbräakjen, woaren äare Weedoag loos.

⁴Äare Kjinja woaren stoakj, waussen em Frieen opp; see gonen ut un komen nich no an trigj.

⁵Wäa haft däm Wiltäsel frie gonen loten, un wäa jeleest de Jefangenschoft de Wiltäsels,

⁶de Stapen ha ekj too äa Hus jemoakt, un daut Soltlaunt to siene Woninj?

⁷Hee lacht äwa daut Jetimmel de Staut, daut Jeschrecht de Hoads hieet hee nich.

⁸Waut hee oppe Boaj finjt, es siene Weid, un no aulem Jreens sieekjt hee.

⁹Woat de willa Oss die deenen wellen, ooda woat hee aun diene Kjrebb äwanachten?

¹⁰Woascht du däm willen Oss met däm Strank aun de Foasch binjen, ooda woat hee hinja die häa de Dolgrunt äajden?

¹¹Woascht du am true, wiels siene Krauft groot es, un am diene Oabeit äwaloten?

¹²Woascht du die opp am veloten, daut hee dien Sot nohus brinjt, un daut hee daut Jeträajd en diene Schien nenn brinjt?

¹³De Straushan weifelt froo met äare Flichten: Sent daut Storjchshan Flichten un Fadren?

¹⁴Dan see äwalat äare Eia de Ieed un woamt an opp däm Stoff;

¹⁵un see vejat, daut een Foot dee vedrekjen, un daut Tieren oppem Flekj dee veklunjen kjennen.

¹⁶See behaundelt äare Kjinja hoat, aus jehieren see ar nich; äare Mieej es emsonst, daut kjemmat ar nich.

¹⁷Dan Gott leet ar de Weisheit vejäten, un kjeen Vestaunt deeld hee ar too.

¹⁸Too de Tiet, wan see ne Hecht flicht, lacht see äwa daut Pieet un sienem Ritta.

¹⁹Jefst du däm Pieet de Krauft, bekjleedst du sien Hauls met walljem Kaumhoa?

²⁰Moakst du daut sprinjent aus eene Heischrakj? Sien prachtjet Schnuwe es Schrakjlich.

²¹Daut schoaft de Ieed un freit sikj äwa de Krauft, trakjt ut, daut Kjrichsjescherr entjäajen.

²²Daut lacht äwa de Angst un erschrakjt nich, un kjemt vom Schwieet nich om.

²³Opp am kjlinjt de Boagenhaulta, de blanka Spies un Steetstang.

²⁴Met Onwada un Oaja jajcht hee doahan un lat sikj nich hoolen, wan de Posaun blost.

²⁵Biem Posaunenschaul roopt daut: Huj! Un von Wiet toobt de Schlacht, däm Donnre de Häafiera un daut Flekj jeschräjcht.

²⁶Flicht de Hofkje derch dien Vestaunt nohecht, breed siene Flichten jäajen däm Sieden ut?

²⁷Ooda häft sikj de Odla opp dienem Befäl, un but doa bowen sien Nast?

²⁸Enne Steena wont un vewielt hee, opp Steenspetze un de Boajchspetzen.

²⁹Von doa ut spuat hee no Noarinj, siene Uagen kjikjen wiet.

³⁰Un siene Junge schlurpsen Bloot, un woa dootjeschloagne sent, doa es hee.