Read De Bibel JHF Hiob 8 Bible Online

Hiob 8 - De Bibel JHF bible

Hiob 8

¹Un Bildad, de Schuchita, auntwuad un säd:

²Woo lang west du soowaut räden, un sellen de Wieed en dienem Mul jewaultja Wint sennen?

³Woat Gott daut Rajcht bieejen, ooda woat de Aulmajchtja de Jerajchtichkjeit bieejen?

⁴Wan diene Kjinja jäajen am jesindicht ha, soo jeef hee an äare Äwaträdungen han.

⁵Wan du Gott iewrich sieekjst un däm Aulmajchtjen om Jnod betst,

⁶wan du rein un rajchtschaufen best, jo, dan woat hee too diene Gonst oppwakjen un wada häastalen de Wonunk von diene Jerajchtichkjeit;

⁷un dien Aunfank woat jerinj erschienen, oba dien Enj sea groot woaren.

⁸Dan befroag doch daut frieejoasche Jeschlajcht, un recht dien Senn opp daut, waut äare Vodasch erforscht ha.

⁹(Dan wie sent von jistren un weeten nuscht, dan een Schauten sent onse Doag oppe Ieed.)

¹⁰Woaren jane die nich belieren, die sajen, un Wieed ut äarem Hoat väabrinje?

¹¹Wausst Papiaschelp huach, woa kjeen Somp es? Wausst Riegrauss huach onen Wota?

¹²Noch es daut aum Jreene, un woat nich aufjeschnäden, soo verdrieecht daut ver aulem Grauss.

¹³Aulsoo sent de Stiej aula, dee Gott vejäten; un de Gottloose äare Hopninj vejeit.

¹⁴Sien vetruen woat aufjeschnäden, un siene Hopninj es een Spannwäw.

¹⁵Hee stett sikj opp sien Hus, un daut helt nich staunt; hee helt sikj doaraun faust, un daut blift nich stonen.

¹⁶Sauftich es hee enne Sonn, un siene Auflaja breeden sikj ut äwa sienen Goaden häa;

¹⁷äwa Steenhupes veflajchte sikj siene Wartlen, hee sitt de Wonunk de Steena;

¹⁸wan hee [Gott] am von siene Städ wajchritt, soo velicht see am: «Ekj ha die niemols jeseenen!»

¹⁹Kjikj, daut es de Freid opp sienem Wajch; un ut däm Stoff woaren aundre waussen.

²⁰Kjikj, Gott woat dän Vollkomnen nich veschmieten, un de Iebel doonende fot hee nich aune Haunt.

²¹Wan hee dien Mul met Lache fellen woat un diene Leppen met Jubelschaul,

²²woaren diene Haussa bekjleet woaren met Schaund, un daut Zelt de Gottloose woat nich mea sennen.