Read De Bibel JHF Psalm 103 Bible Online

Psalm 103 - De Bibel JHF bible

Psalm 103

¹Von David. Preis däm Harn, miene Seel, un aul mien Ennaliche sienen heiljen Nomen!

²Veharlich däm Harn, miene Seel, un vejat nich aul siene Wooldoten!

³Dee vezeit die aule diene Sinden, dee doa aule diene Krankheiten heelt;

⁴dee dien Läwen erleest von de Kul, dee die met Jnod un Erboarmen kjreent;

⁵dee met Goodem dien Ella saut moakt; diene Jugent moakt sikj nie aus dee vom Odla.

⁶De Har eeft Jerajchtichkjeit {Ps.11,7} un schauft Rajcht aulem, dee unjadrekjt woaren.

⁷Hee gauf siene Wäaj däm Moses to weeten, de Kjinja Israel siene Doten.

⁸Boarmhoatich un jnädich es de Har langsom toom Oaja un groot aun Jnod;

⁹hee woat nich emma strofen un nich eewich nodroagen.

¹⁰Hee haft ons nich no onse Sinden jedonen, un nich no onse Ojjerajchtichkjeit vejelt.

¹¹Dan soo huach dee Himmel äwa de Ieed es (sent), es siene Jnod jewaultich äwa dee, dee am ferchten;

¹²soo wiet de Oosten es vom Wasten, haft hee von ons onse Äwaträdungen wajchjenomen.

¹³Aus een Voda sikj äwa de Kjinja erboarmt, soo erboarmt sikj de Har äwa dee, dee am ferchten.

¹⁴Dan hee kjant ons Jebilt, hee denkjt doaraun, (es een jedenkj), daut wie Stoff sent.

¹⁵De Mensch - aus Grauss sent siene Doag; aus de Bloom oppe Stap, aulsoo bläjt hee.

¹⁶Dan een Wint foat doaräwa, un see es nich mea, un äare Städ kjant an nich mea.

¹⁷Oba de Jnod Gottes es von Eewichkjeit too Eewichkjeit äwa dee, dee am ferchten, un siene Jerajchtichkjeit oppe Kjinja äare Kjinja han;

¹⁸fa dee, dee sienen Bunt hoolen, un siene Jebooten jedenkjen, om dee to doonen.

¹⁹De Har haft sienen Troon em Himmel faustjestalt, un sien Rikj harscht äwa aules.

²⁰Loft däm Harn, jie siene Enjel, jie Jewaultje aun Krauft, sien Wuat doonende, jehuarsom de Stemm von sienem Wuat!

²¹Loft däm Harn, aul siene Häaschoa, jie siene Deena, sienen Wellen Doonende!

²²Loft däm Harn, aul siene Woakjen, aun aule Uaten siene harschoft! Low däm Harn, miene Seel!