Read De Bibel JHF Psalm 115 Bible Online

Psalm 115 - De Bibel JHF bible

Psalm 115

¹Nich ons, Har, nich ons, sonda dienem Nomen jeff Iea, om aul dien Goodet, om diene Woarheit wellen!

²Wuarom sellen de Velkja sajen: Wua es dan äa Gott?

³Oba ons Gott es en däm (dee) Himmel; aules, waut am jefelt, deit hee.

⁴Äare Jetzen sent Selwa un Golt, een Woakj von Menschenhenj.

⁵Een Mul ha see un räden nich; Uagen ha see un seenen nich;

⁶Uaren ha see un hieren nich; eene Näs ha see un rikjen nich;

⁷see ha Henj un tauste nich, Feet, un see gonen nich; kjeen Jelud jäwen see met äarem Kjälkopp.

⁸An jlikj sent dee, dee an moaken, een jiedra, dee opp an vetrut.

⁹Israel, vetru oppem Harn! Äare Help un äa Schild es hee.

¹⁰Hus Aaron, vetrut oppem Harn! Äare Help un äa Schild es hee.

¹¹Jie, dee jie däm Harn ferchten, vetrut opp Gott! Äare Help un Schild es hee.

¹²De Har haft aun ons jedocht, hee woat säajnen; hee woat säajnen daut Hus Israel, säajnen daut Hus Aaron.

¹³Hee woat säajnen, dee däm Harn ferchten, de Kjliene met de Groote.

¹⁴De Har woat junt doatoo doonen, to junt un to june Kjinja.

¹⁵Jesäajent sent jie vom Harn, dee Himmel un Ieed jemoakt haft.

¹⁶De Himmel sent dee Himmel Gottes, oba de Ieed haft hee de Menschenkjinja jejäft.

¹⁷De Doodje woaren däm Harn nich lowen, noch aula, dee toom Stellsennen rauf foaren;

¹⁸oba wie, wie woaren däm Harn lowen von nu aun bat enne Eewichkjeit. Loft Gott (Jah)!