Read De Bibel JHF Psalm 12 Bible Online

Psalm 12 - De Bibel JHF bible

Psalm 12

¹Däm Väasenja, opp de 8 seidje Hoap (Scheminit). Een Psalm von David.

²Rad, Har! Dan de Fromma es wajch, dan de True sent veschwungen unja de Menschenkjinja.

³See räden Faulschheit (Idlet), een jiedra met sienem Näakjsten; äare Leppen schmeichlen, met dobbeldem Hoaten räden see.

⁴De Har woat utroden aule schmeichelje Leppen, de Tung, dee groote Dinj räden,

⁵dee doa sajen: Wie woaren äwalajen (kjlieekja sennen) met onse Tung, onse Leppen sent met ons; wäa es ons Har?

⁶Wäajen de Jewault met dee maun de Älendje behaundelt, wäajen daut Seften de Oame well ekj nu oppstonen, sajcht de Har; ekj well en Sechaheit (Radunk, Heil) stalen dän, dee sikj doano bangt.

⁷De Wieed Gottes sent reine Wieed - Selwa, daut jereinicht ut däm Schmeltowen oppe Ieed rant, säwen Mol jereinicht.

⁸Du, Har, woascht an bewoaren, woascht an beschitze ver disem Jeschlajcht bat enne Eewichkjeit.

⁹De Gottloose (Fräfla) gonen omhäa, wan de Jemeenheit (Niedatrajchtichkjeit) nohecht jedräwen es bie de Menschenkjinja.