Read De Bibel JHF Psalm 121 Bible Online

Psalm 121 - De Bibel JHF bible

Psalm 121

¹Een Leet - Choral. Ekj häw miene Uagen opp no de Boaj, wuahäa miene Help komen woat.

²Miene Help kjemt vom Harn, dee Himmel un Ieed jemoakt haft.

³Hee woat nich tooloten, daut dien Foot wankt; dien Beschitza schlapt nich.

⁴Kjikj, de Beschitza Israels, hee es nich schleeprich noch schlapt hee.

⁵De Har es dien Beschitza, de Har es dien Schauten äwa diene rajchte Haunt.

⁶De Sonn woat die äwadach nich stäakjen, noch de Mon de Nacht.

⁷De Har woat die bewoaren fa aulem Iebel, hee woat diene Seel bewoaren.

⁸De Har woat bewoaren dienen Utgank un dien Engank, von nu aun bat enne Eewichkjeit.