Read De Bibel JHF Psalm 124 Bible Online

Psalm 124 - De Bibel JHF bible

Psalm 124

¹Een Leet - Choral. Wan nich de Har fa ons jewast wia, soo saul Israel sajen,

²Wan nich de Har fa ons jewast wia, aus de Menschen jäajen ons oppstunden,

³Dan wudden see ons läwendich veschlungen ha, aus äa Oaja jäajen ons oppflaumd;

⁴Dan wudden de Wota ons äwaschwamt haben, wudd een Stroom äwa onse Seelen jegonen sennen;

⁵Dan wudden äwa onse Seelen de stolten Wota jegonen sennen.

⁶Jeloft es de Har, dee ons nich äare Tänen toom Raup jeef!

⁷Onse Seel es wajchjerant aus een Voagel ut de Schlenj de Voageljriepa; de Schlenj es veräten, un wie sent wajchjerant.

⁸Onse Help es em Nomen Gottes, dee Himmel un Ieed jemoakt haft.