Read De Bibel JHF Psalm 132 Bible Online

Psalm 132 - De Bibel JHF bible

Psalm 132

¹Een Leet - Choral. Jedenkj, Har, däm David aul siene Mieej!

²Aus hee däm Harn schwua, een Vespräakjen deed däm Majchtjen von Jakob:

³«Wan ekj en daut Zelt von mienem Hus nenn go, wan ekj opp daut Loaga, von mienem Bad, stieen;

⁴Wan ekj miene Uagen nich schlopen lot, noch miene Uageläd schleeprich to sennen;

⁵bat ekj eene Städ fa däm Harn finj, eene Woninj fa däm Majchtjen von Jakob!»

⁶Kjikj, wie hieeden von äa (Bundeslod) en Efrata, wie fungen ar en däm Fäld Jaar.

⁷Lot ons nengonen en siene Wonunk, dolfaulen ver de Footbenkj siene Feet!

⁸Sto opp, Har, too diene Ru, du un de Lod diene Macht!

⁹Lot diene Priesta bekjleet woaren met Jerajchtichkjeit, un diene Fromme jublen!

¹⁰Om David, dienen Kjnajcht, haulwen wies nich auf daut Aunjesecht von dienem Jesaulwden!

¹¹De Har haft däm David en Woarheit jeschwuaren, hee woat nich doavon aufgonen: «Von de Frucht von dienem Lief well ekj opp dienem Troon saten.

¹²Wan diene Säns mienen Bunt un miene Zeijnise bewoaren, dee ekj an lieren woa, soo sellen uk äare Säns opp dienem Troon eewich setten.»

¹³Dan de Har haft Zion erwält, daut hee fa siene Wonunk haben wull.

¹⁴Dit es eewich miene Ru, hia well ekj wonen, dan ekj wull daut haben.

¹⁵Siene Speise well ekj rikj säajnen, siene Oame met Broot saut moaken.

¹⁶Un siene Priesta well ekj met Heil bekjleede, un siene Fromme woaren lud jublen.

¹⁷Doa well ekj David sien Huarn waussen loten, [ekj] ha eene Laump reed jemoakt fa mienem Jesaulwden.

¹⁸Siene Fiend well ekj met Schaund bekjleede, un opp am woat siene Kroon blieejen.