Read De Bibel JHF Psalm 138 Bible Online

Psalm 138 - De Bibel JHF bible

Psalm 138

¹Von David. Lowen well ekj die met mienem gaunzem Hoaten, ver de Jetta well ekj die besinjen.

²Ekj well jäajen dienen heiljen Tempel aunbäden, un dienen Nomen veharlichen om diene Jnod un diene Woarheit haulwen; dan du hast dien Wuat groot jemoakt - äwa dienen Nomen.

³Aun däm Dach, doa ekj roopt, auntwuadst du mie; du hast mie ermuntat: En miene Seel wia Krauft.

⁴Aule Kjennichs de Ieed woaren die danken, Har, wan see jehieet ha de Wieed ut dienem Mul;

⁵un see woaren de Wäaj Gottes besinjen, dan groot es de Harlichkjeit Gottes.

⁶Dan de Har es huach, un hee sitt däm Läajen, un däm Stolten kjant hee von wiet.

⁷Wan ekj medden enne Jefoa waundel, woascht du mie beläwen; jäajen däm Oaja miene Fiend woascht du diene Haunt utstrakjen, un diene Rajchte woat mie raden.

⁸De Har woat et fa mie doonen, Har, diene Jnod blift eewich. Lot nich de Woakjen von diene Henj!