Read De Bibel JHF Psalm 139 Bible Online

Psalm 139 - De Bibel JHF bible

Psalm 139

¹Däm Väasenja. Von David. Een Psalm. Har! Du hast mie erforscht un er- kjant.

²Du kjanst mien Setten un mien Oppstonen, du vesteist miene Jedanken von wiet.

³Du sitst mien Waundel un mien Lidjen un best vetrut met aul miene Wäaj.

⁴Dan daut Wuat es noch nich opp miene Tung, kjikj, Har, du weetst daut gaunz.

⁵Von hinjen un von fieren hast du mie enjeschloten, un opp mie diene Haunt jelajcht.

⁶Erkjantnis, too wundaboa fa mie, too huach: Ekj kaun daut nich bejriepen!

⁷Wuahan sull ekj gonen ver dienem Jeist, un wuahan ranen ver dienem Aunjesecht?

⁸Fua ekj enopp em Himmel, du best doa; un moak ekj mien Loaga en däm Scheol (Doodenrikj (griechisch: Hades)), kjikj, du best doa.

⁹Nemm ekj Flichten de Morjenroot, leet ekj mie rauf aum butaschten Enj vom Mäa,

¹⁰uk doa selfst wudd diene Haunt mie leiden, un diene Rajchte mie hoolen.

¹¹Un ekj säd: Blooss Diestanis mucht mie omrinje, un de Nacht es daut Licht om mie häa;

¹²uk Diestanis wudd ver die nich diesta, un de Nacht wudd schienen aus de Dach, de Diestanis wia aus daut Licht.

¹³Dan du hast miene Nieren jeschaufen; du muakst mie en mienem Muttalief.

¹⁴Ekj dank die doaväa, daut ekj opp eene erstaunliche, wundaboare Oat jemoakt sie. Wundaboa sent diene Woakjen, un miene Seel weet daut sea goot.

¹⁵Miene Jestault wia ver die nich vestoaken, aus ekj jemoakt wort em Jeheemen, jewirkjt aus een Konstwoakj enne unjaschte Uaten de Ieed.

¹⁶Mienem Kjiem sagen diene Uagen, un en dien Buak wieren see aula enjeschräwen; de Doag, dee noch woaren sullen, aus nich eena von an wia.

¹⁷Un woo kostboa sent mie diene Jedanken, oo Gott (El)! Woo groot sent äare Somme!

¹⁸Wull ekj dee talen, äare sent mea aus daut Saunt. Ekj wakj opp un sie noch bie die.

¹⁹Muchst du, oo Gott (Eloah), däm Gottloosen dootmoaken! Un jie Blootmenschen got wajch von mie!

²⁰Dee, dee die toom Vebräakjen aunräden, dee too Läajes schwieren, {2Mo.20,7} diene Fiend.

²¹Hauss ekj nich, Har, dee die haussen, un veaufschue ekj nich, dee jäajen die oppstonen?

²²Met vollkomnem Hauss hauss ekj an, see sent Fiend fa mie.

²³Erforsch mie, Gott (El), un erkjan mien Hoat; proow mie un erkjan miene Jedanken!

²⁴Un kjikj, auf een Wajch de Mieej bie mie es, un leid mie opp eewjem Wajch!