Read De Bibel JHF Psalm 14 Bible Online

Psalm 14 - De Bibel JHF bible

Psalm 14

¹Däm Väasenja. Von David. De Noa sajcht un sienem Hoaten: Doa es kjeen Gott. See ha vedorwen jehaundelt, see ha oppscheislich jedonen; doa es kjeena, dee Goodet deit.

²De Har haft vom Himmel raufjekjikjt opp de Menschenkjinja, om to seenen, auf doa een Vestendja es, eena, de Gott sieekjt.

³Aula sent wajchjegonen, see sent aula toop vedorwen; doa es kjeena, dee Goodet deit, uk nich eena.

⁴Ha aula kjeen Erkjantnis, dee Fräfel doonen, dee mien Volkj fräten, aus wan see Broot äten? Däm Har roopen see nich aun.

⁵Doa äwavoll an een Schrakj, dan Gott es unja däm jerajchten Jeschlajcht.

⁶Jie moaken too Schaund däm Rotschluss de Älendje, wiels de Har siene Tooflucht es.

⁷Oo, daut ut Zion de Radinj fa Israel wia! Wan de Har de Jefangenschoft von sienem Volkj aufdreit, saul Jakob froo sennen, Israel sikj freien.