Read De Bibel JHF Psalm 140 Bible Online

Psalm 140 - De Bibel JHF bible

Psalm 140

¹Däm Väasenja. Een Psalm von David.

²Rad mie, Har, von däm beesen Mensch; fa däm Maun de Jewault deit bewoa mie!

³Dee em Hoat Boosheit väahaft, un jieda Dach Kjrich aunräajt!

⁴See schoape äare Tungen aus eene Schlang; Ottajeft es unja äare Leppen! (Sela)

⁵Bewoa mie, Har, fa de Henj de Gottloose, fa däm Maun dee Jewault deit, bewoa mie, dee daut wellen, miene Schräd toom Faul brinjen!

⁶De Stolte ha mie heimlich eene Schlenj un Strenj toom faulen jelajcht, een Nat jespaunt aune Sied vom Stich, see ha mie Faulen jestalt. - (Sela)

⁷Ekj säd toom Harn: Du best mien Gott (El)! Nemm too Uaren, Har, de Stemm von mienem Bedden!

⁸Gott, de Har, es de Krauft miene Radinj; du hast mien Haupt bedakjt aum Kaumfdach.

⁹Lot nich too, Har, de Janka dee Gottloose, lot sien Väahaben nich jelinjen: See wudden sikj erhäwen. (Sela)

¹⁰Dee äare Kjap, dee mie omrinje, daut Onheil von äare Leppen bedakjt an!

¹¹Muchten brennende Kole opp an rauf faule! Em Fia schmitt hee an, en Wotastreem, daut see nich oppstonen!

¹²De Maun met eene beese Tung woat nich fauststonen em Launt; de Maun de Jewault deit - daut Beese mucht am joagen bat toom Faul!

¹³Ekj weet, daut de Har utfieren woat de Rajchtsach de Älendje, daut Rajcht de Oame.

¹⁴Jo, de Jerajchte woaren dienen Nomen lowen, de Opprechtje woaren ver dienem Aunjesecht wonen.