Read De Bibel JHF Psalm 142 Bible Online

Psalm 142 - De Bibel JHF bible

Psalm 142

¹Een Maskil (Belierunk). Von David. Een Jebäd, aus hee enne Heel wia.

²Met miene Stemm schrie ekj toom Harn met miene Stemm bedd ekj toom Harn.

³Ekj schedd miene Kloag ver am ut, miene Bedrenkjnisen saj ekj am.

⁴Aus mien Jeist en mie Meed wort, doa kjansd du mien Stich. Opp däm Wajch, däm ekj waundel, ha see mie heimlich eene Schlenj jelajcht.

⁵Kjikj too Rajchte, un see: Ekj ha kjeenem, dee mie kjant; veloaren es mie jiedre Tooflucht, kjeena frajcht no miene Seel.

⁶Too die ha ekj jeschräajen, Har! Ekj ha jesajcht: Du best miene Tooflucht, mien Deel em Launt de Läwendje.

⁷Horch opp mien Schrieen, dan ekj sie sea schwak; rad mie von miene Vefolja, dan see sent mie too majchtich!

⁸Leid miene Seel rut ut däm Jefenkjnis, doamet ekj dienen Nomen veharlich! De Jerajchte woaren mie omrinje, wan du mie wooljedonen hast.