Read De Bibel JHF Psalm 146 Bible Online

Psalm 146 - De Bibel JHF bible

Psalm 146

¹Loft däm Harn (Jah)! Low däm Harn, miene Seel!

²Lowen well ekj däm Harn mien Läwen lank, well Psalmen sinjen mienem Gott, soo lang ekj sie.

³Vetru nich opp Ferschten, opp eenen Menschensän, bie däm kjeene Radinj es!

⁴Sien Jeist jeit ut, hee jeit trigj no siene Ieed: Aun däm seljen Dach veschwinjen siene Pläne.

⁵Jlekjseelich dee, däm siene Help Jakob sien Gott (El) es, däm siene Hopninj oppem Harn, sienen Gott, es!

⁶Dee Himmel un Ieed jemoakt haft, daut Mäa un aules, waut doabennen es; de Woarheit opp eewich helt;

⁷dee Rajcht schauft däm Unjadrekjten, daut Broot jeft däm Hungajen. De Har leest de Jebungne.

⁸De Har moakt däm Blinjen de Uagen op, Har recht de Unjadrekjte opp, de Har leeft de Jerajchte;

⁹de Har bewoat de Framde, de Weise un Wätfrues erhelt hee; oba hee vedreit däm Wajch de Gottloose.

¹⁰De Har woat rejieren en Eewichkjeit, dien Gott, Zion, von Jeschlajcht too Jeschlajcht. Loft däm Harn!