Read De Bibel JHF Psalm 17 Bible Online

Psalm 17 - De Bibel JHF bible

Psalm 17

¹Een Jebäd von David. Horch, Har, de Jerajchtichkjeit, horch opp mien Schrieen; nemm too Uaren mien Jebäd vonne Leppen onen Faulsch.

²Von dienem Aunjesecht jeit mien Rajcht ut; lot diene Uagen Opprechtichkjeit aunkjikjen.

³Du hast mien Hoat jeprooft, hast mie denacht derchforscht, du hast mie jereinicht - du fungst nuscht; miene Jedanken gonen nich wieda aus mien Mul.

⁴Waut daut Doonen de Menschen betraft, soo ha ekj mie derch daut Wuat diena Leppen bewoat fa de Wäaj de Vebräakja (Jewault doonende).

⁵Miene Schräd hilden faust aun diene Spuare, mien Gank haft nich jewankt.

⁶Ekj, ekj ha die aunjeroopt, dan du erhieescht mie, oo Gott, neij dien Ua no mie, hia mien Räden!

⁷Bewies diene wundaboare Huld, dee du derch diene Rajchte dee opp die Vetruende radst fa dän, dee sikj jäajen an erhäwen.

⁸Bewoa mie aus däm Uagaupel em Uag; vestäakj mie en däm Schauten diene Flichten -

⁹fa de Gottloose, dee mie äwawaultjen, miene Doodesfiend, dee om mie sent.

¹⁰Äa fatet Hoat veschluten see, met äarem Mul räden see stolt.

¹¹En aul onse Schräd ha see ons nu omrinjt; see rechten äare Uagen doaropp, ons oppe Ieed too strakjen.

¹²Hee es aus een Leiw, dee jierich es om to verieten, un aus een junga Leiw, settent em Vestäakj.

¹³Sto opp, Har! Komm ver am, schmiet am dol! Rad miene Seel von däm Gottloosen derch dien Schwieet;

¹⁴von dee Lied derch diene Haunt, Har, von dee Lied dise Welt! Äa Deel es en disem Läwen, un äa Buck fellst du met dienem Schauz; see ha Säns dee saut woaren, un äarem Äwafluss loten see äare Kjinja.

¹⁵Ekj oba woa dien Aunjesecht seenen en Jerajchtichkjeit, woa saut woaren, wan ekj oppwakj, met dienem Bilt.