Read De Bibel JHF Psalm 19 Bible Online

Psalm 19 - De Bibel JHF bible

Psalm 19

¹Däm Väasenja. Een Psalm von David.

²De Himmel vetalen de Harlichkjeit Gottes, un de Utdänunk vekjindicht daut Woakj von siene Henj.

³Een Dach berecht daut däm aundren, un eene Nacht mald daut de Aundre.

⁴Kjeene Räd un kjeene Wieed, doch jehieet woat äare Stemm.

⁵Äare Motschnua jeit ut äwa de gaunze Ieed, un äare Sproak bot aun däm Enj vom Ieedkjreis; hee haft de Sonn en an (äare Medd) een Zelt jesat.

⁶Un see es aus een Briegaum, dee rut kjemt ut siene Schlopstow; see freit sikj aus een Held, too derchranen de Bon.

⁷Vom Enj de Himmel es äa Utgank, un äa omranen es bat äarem Enj; un nuscht es fa äare Gluaje veborjen.

⁸Daut Jesaz Gottes es vollkomen, stoakjt de Seel; daut Zeichnis vom Harn es toovelotich, moakt kluak däm Eenfeltjen.

⁹De Väaschreften vom Harn sent rechtich un freien daut Hoat; daut Jeboot Gottes es rein, moakt de Uagen dach (seenent).

¹⁰De Forcht Gottes es rein un besteit en Eewichkjeit. De Rajchte vom Harn sent Woarheit, dee sent aula toop jerajcht;

¹¹kjikj, dee sent mea wieet aus Golt un väl reinet Golt, un seeta aus Honnich un zoata Honnich.

¹²Uk dien Kjnajcht woat derch an belieet; em Beoobachten dee selje es groota Loon.

¹³Vebiestrunge, wia sitt dee en? Von veborjne Sinden reinj mie!

¹⁴Uk von äwamootje hool dienen Kjnajcht trigj; lot an mie nich beharschen! Dan sie ekj dodenlloos un sie rein von groote Äwaträdungen.

¹⁵Lot de Räd ut mienem Mul un daut Sennen (Denkjen) en mienem Hoaten wooljefaulich ver die sennen, Har, mien Fels un mien Erleesa!