Read De Bibel JHF Psalm 20 Bible Online

Psalm 20 - De Bibel JHF bible

Psalm 20

¹Däm Väasenja. Een Psalm von David.

²De Har erhieet die aum Dach de Noot (Angst), de Nomen Gottes von Jakob sat die en Sechaheit.

³Hee schekjt die Help ut däm Heilichtum, un von Zion ut unjastett hee die.

⁴Hee jedenkjt aule diene Speisopfa, un dien Brauntopfa woat hee aunnämen. (Sela)

⁵Hee jeft die no dienem Hoaten, un aule diene Rotschläaj erfelt hee!

⁶Wie wellen jublen äwa diene Radunk, un em Nomen von onsem Gott daut Panier (Feldtieekjen) erhäwen. De Har erfelt aule diene Bedden!

⁷Nu weet ekj, daut de Har sienen Jesaulwden rad; ut sienem heiljen Himmel woat hee am erhieren derch de Macht (Krauft) daut Heils siene Rajchte.

⁸Dise denkjen aun Woages un jane aun Pieed, oba wie denkjen aum Nomen daut (vom) Harn, onsem Gott.

⁹Jane bekjen sikj un faulen, oba wie holen ons un stonen steil.

¹⁰Har rad! De Kjennich erhia ons aum Dach wan wie roopen!