Read De Bibel JHF Psalm 21 Bible Online

Psalm 21 - De Bibel JHF bible

Psalm 21

¹Däm Väasenja. Een Psalm von David.

²En diene Krauft, Har, freit sikj de Kjennich, un woo sea freit hee sikj äwa diene Radunk!

³Däm Wensch en sienem Hoat hast du am jejäft, un daut velangen siene Leppen nich aufjewäsen. (Sela)

⁴Dan met goode Säajnungen kjemst du am entjäajen; opp sien Haupt satst du eene Kroon von reinem Golt.

⁵Hee bedd von die Läwen, du hast daut am jejäft: Lange Doag emma un eewich.

⁶Groot es siene Harlichkjeit derch diene Radunk; Majestät un Pracht lädst du opp am.

⁷Dan toom Säajen satst du am eewichlich; du muakst am froo met Freid derch dien Aunjesecht.

⁸Dan oppem Har vetrut de Kjennich, un derch däm Hechsten siene Jnod woat hee nich wanken.

⁹Diene Haunt woat finjen aule diene Fiend, finjen woat diene Rajchte diene Haussa.

¹⁰Aus eenen Fiaowen woascht du an moaken too Tiet bie dienem Erschienen; de Har woat an veschlinjen en sienem Oaja, un Fia woat an vetäaren.

¹¹Äare Frucht woascht du von de Ieed vetiljen, un äaren Somen ut de Menschenkjinja.

¹²Dan see ha Beeset jäajen die jeplont, eenen Aunschlach hauden see em Senn: See woaren nuscht kjennen.

¹³Dan du woascht moaken, daut see trigjgonen, woascht dienen Boagen jäajen äa Aunjesecht rechten.

¹⁴Erhäw die Har, en diene Krauft! Wie wellen sinjen un Psalmen sinjen diene Macht.