Read De Bibel JHF Psalm 24 Bible Online

Psalm 24 - De Bibel JHF bible

Psalm 24

¹Von David. Een Psalm. Dem Har siene es de Ieed un aules waut doabennen es, de Ieedkjreis un dee doabowen wonen.

²Dan hee haft dee jejrindet äwa Mäare, un äwa Streem dee faust jestalt.

³Wäa woat opp dän Boajch Gottes stieen, un wia woat stonen aun siene heilje Städ?

⁴Dee oschuldje Henj un reinet Hoates es, dee nich too Faulschheit siene Seel erhäft un nich schwieet toom Bedrach.

⁵Hee woat jesäajent vom Harn, un Jerajchtichkjeit von däm Gott sien Heil.

⁶Dit es daut Jeschlajcht, dee no am trachten, dee dien Aunjesecht sieekjen - Jakob. (Sela)

⁷Erhäwt, jie Dooasch, june Heipta, un erhäft junt, eewje Puaten, doamet de Kjennich de Iea (Harlichkjeit) nenn trakjt!

⁸Wäa es disa Kjennich de Iea (Harlichkjeit)? De Har, stoakj un jewaultich! De Har, jewaultich em Kaumf!

⁹Erhäwt, jie Dooasch, june Heipta, un erhäft junt, eewje Puaten, doamet de Kjennich (Harlichkjeit) de Iea nenn trakjt!

¹⁰Wäa es disa Kjennich de Iea (Harlichkjeit)? Gott de Häaschoa, hee es de Kjennich de Harlichkjeit! (Sela)