Read De Bibel JHF Psalm 3 Bible Online

Psalm 3 - De Bibel JHF bible

Psalm 3

¹Een Psalm von David, aus hee ver sienem Sän Absalom (wajch) rand.

²Har! wooväl sent miene Bedrenja (Fiend)! Väle erhäwen (stalen) sikj jäajen mie.

³Väle sajen von miene Seel: Daut es kjeene Radunk (Help) fa am bie Gott! (Sela)

⁴Oba du, Har, best een Schilt om mie, miene Harlichkjeit (Iea), un dee mien Haupt opphäft.

⁵Met miene Stemm roop ekj nom Harn, un hee auntwuat mie von sienem heiljen Boajch. (Sela)

⁶Ekj läd mie dol un schleep; ekj wuak opp, dan de Har stett mie.

⁷Ekj enjst mie nich ver 10 000 vom (ut däm) Volkj, dee sikj runtom mie un jäajen mie jeloagat (jesat) ha.

⁸Sto opp, oo Har! Rad mie, mien Gott! Dan du hast aule miene Fiend oppe Baken jeschloagen; de Tänen de Gottloosen hast du veschmatat.

⁹Vom Harn es de Radinj; dien Säajen es (kjemt) opp dienem Volkj. (Sela)