Read De Bibel JHF Psalm 33 Bible Online

Psalm 33 - De Bibel JHF bible

Psalm 33

¹Jubelt, jie Jerajchte, en däm Harn! dän Rädlichen jeziemt Loffjesank.

²Dankt däm Harn met de Zitta, sinjt am Psalmen met de 10 seidje Hoap.

³Sinjt am een nieet Leet; spält goot met Jubelschaul!

⁴Dan jlikj es daut Wuat vom Harn, un aul sien Woakj en Woarheit.

⁵Hee leeft Jerajchtichkjeit un Rajcht; de Ieed es voll Jnod vom Harn.

⁶Derch daut Wuat Gottes sent de Himmel jemoakt, un aul äa Häa derch däm Frodem ut sienem Mul.

⁷Hee saumelt dee Wota em Mäa aus een Hupe (eene Mia), lajcht en äare Jrensen de Streem (de deepe Wotasch).

⁸Daut fercht sikj fa däm Harn de gaunze Ieed; fa am sellen sikj enjsten aule Bewona vom Ieedkjreis!

⁹Dan hee säd, un daut wia; hee jeboot, un daut stunt doa.

¹⁰De Har vebrakjt däm Rotschluss de Heiden, hee vehindat däm Plon de Velkja.

¹¹De Rotschluss vom Harn besteit eewich, de Jedanken en sienem Hoaten von Jeschlajcht too Jeschlajcht.

¹²Jlekjseelich de Nazion, dän äa Gott de Har es, daut Volkj, daut hee sikj too sienem Oawgoot erwält haft!

¹³De Har kjikjt von dee Himmel erauf, hee sitt aule Menschenkjinja.

¹⁴Von de Städ ut siene Wonunk kjikjt hee opp aule Bewona de Ieed;

¹⁵hee, dee äare aule Hoaten jemoakt haft, dee opp aule äare Woakjen acht haft.

¹⁶Een Kjennich woat nich jerat derch sien grootet Häa; een Held woat nich frie (jerat) derch siene groote Krauft.

¹⁷Een Bedrach es daut Pieed too Radunk, un derch de Menj vom sienem Häa (groote Krauft) woat hee nich jerat.

¹⁸Kjikj, daut Uag vom Harn es opp dee jerecht, soo am ferchten, opp dee, dee opp siene Jnod hopen,

¹⁹om äare Seel vom Doot to raden un dee aum Läwen too erhoolen enne Hungaschnoot.

²⁰Onse Seel luat oppem Harn; onse Help un ons Schilt es hee.

²¹Dan en am woat ons Hoat sikj freien, wiels wie sienem heiljen Nomen vetrut ha.

²²Diene Jnod, Har, es äwa ons, soo aus wie opp die jehopt ha.