Read De Bibel JHF Psalm 36 Bible Online

Psalm 36 - De Bibel JHF bible

Psalm 36

¹Däm Väasenja. Von däm Kjnajcht vom Harn, von David.

²De Äwaträdunk de Gottloose (Fräfla) räd, em Ennalichen, en mienem Hoaten: Doa es kjennen Angst Gottes ver siene Uagen.

³Dan daut schmeichelt am en siene ieejne Uagen, siene Ojjerajchtichkjeit too errieekjen, Hauss uttoeewen.

⁴Fräfel (Onheil) un Läajes sent de Wieed en sienem Mul; hee haft daut oppjejäft, vestendich to sennen, Goodet to doonen.

⁵Fräfel (Onheil) ersennt hee opp sienem Loaga; hee stalt sikj opp eenem (hee steit opp eenem) Wajch, dee nich goot es; daut Beese velat hee nich.

⁶Har! Diene Jnod rieekjt bat aun dee Himmel, bat aun de Wolkjen diene Tru.

⁷Diene Jerajchtichkjeit es aus de Boaj Gottes, diene Jerechten (Uadeel, Rajchte) sent een groota (deepa) Stroom; Menschen un Vee radst du, Har.

⁸Woo kjestlich es diene Jnod, oo Gott! Un Menschenkjinja nämen Tooflucht em Schauten diene Flichten;

⁹see woaren rikjlich drinkjen von de Fatichkjeit en dienem Hus, un met däm Stroom diene Wonne woascht du an drenkjen.

¹⁰Dan bie die es de Kjwal vom Läwen, en dienem Licht woa wie daut Licht seenen.

¹¹Lot diene Leew (Huld) wiedahan dän, dee die kjanen, un diene Jerajchtichkjeit dän, dee von Hoaten opprechtje!

¹²De Foot de Stolte errieekjt mie nich, un de Haunt de Gottloose vejajcht mie nich!

¹³Doa sent jefollen, dee Fräfel doonen; dee worden doljeschmäten, un kunnen nich oppstonen.