Read De Bibel JHF Psalm 52 Bible Online

Psalm 52 - De Bibel JHF bible

Psalm 52

¹Däm Väasenja. Een Maskil (Belierunk) von David,

²aus Doeg, de Edomieta, kaum un Saul berecht un am säd: David es en daut Hus Ahimelechs jekomen.

³Waut riemst du die met de Boosheit, du Jewaultja? De Jnod Gottes (El) blift däm gaunzen Dach.

⁴Vedoawen plont diene Tung, aus een jeschläpnet Schäamassa eewst du Läajes.

⁵Du hast daut Beese mea jeleeft, aus daut Goode, de Läajes mea aus Jerajchtichkjeit to räden. (Sela)

⁶Du hast aule Vedoawenswieed jeleeft, du Läajes Tung.

⁷Gott (El) woat die uk fa emma venichten; hee woat die packen un die rutrieten ut däm Zelt un die entwartle (utrit) ut däm Launt de Läwendje. (Sela)

⁸Un daut woaren de Jerajchte seenen un sikj ferchten, un see woaren äwa an lachen:

⁹«See däm Maun, de Gott nich to siene Tooflucht muak, sonda opp sien grootet Rikjtum vetrud, derch siene Jia stoakj wia!»

¹⁰Oba ekj sie aus een jreena Eeljboom em Hus Gottes; ekj vetru oppe Leew Gottes emma un eewich.

¹¹Ekj woa die danken en Eewichkjeit, wiels du daut jedonen hast; un opp dien Nomen woa ekj hopen - wiels hee goot es - ver diene Fromme.