Read De Bibel JHF Psalm 56 Bible Online

Psalm 56 - De Bibel JHF bible

Psalm 56

¹Däm Väasenja. No: «De Duw von de wiede Terebinten». Von David, een Jedicht, aus de Filista am en Gat jreepen.

²Sie mie jnädich, oo Gott! Dan de Mensch schnaupt no mie. Hee bedrekjt mie, endäm hee mie däm gaunzen Dach bekjamft.

³Daut schnaupe miene Fiend däm gaunzen Dach; dan väle bekjamfe mie em Stolt.

⁴Aun däm Dach, doa ekj mie enjst, vetru ekj opp die.

⁵En Gott woa ekj sien Wuat riemen; opp Gott vetru ekj, ekj woa mie nich ferchten; waut sull daut Fleesch mie doonen?

⁶Miene Wieed vedreien see däm gaunzen Dach, aule äare Jedanken sent jäajen mie toom Beesen.

⁷See vesaumlen sikj toop, vestäakjen sikj, see beoobachten miene Footstaupen, wiels see opp miene Seel luaren.

⁸Sull bie äarem Fräfel fa an Radinj sennen? Em Oaja schmiet de Velkja dol, oo Gott!

⁹Du talst miene Kloagen. Laj miene Tronen en dien Schlauch; sent dee nich en dienem Buak?

¹⁰Dan woaren miene Fiend trigj gonen, aun däm Dach, doa ekj roop; daut weet ekj, daut Gott fa mie es.

¹¹En Gott woa ekj riemen daut Wuat, em Harn woa ekj riemen daut Wuat.

¹²Ekj vetru opp Gott; ekj woa mie nich ferchten; waut sull de Mensch mie doonen?

¹³Opp mie, oo Gott, sent diene Jelownise, ekj woa die Dankopfa trigj jäwen.

¹⁴Dan du hast miene Seel vom Doot jerat, jo, miene Feet vom Faulen, om to waundlen ver däm Aunjesecht Gottes em Licht de Läwendje.