Read De Bibel JHF Psalm 58 Bible Online

Psalm 58 - De Bibel JHF bible

Psalm 58

¹Däm Väasenja. «Vedoaw nich» Von David. Een Jedicht.

²Räd jie werkjlich Jerajchtichkjeit derch Vestomme? Recht jie opprechtich, jie Menschenkjinja?

³Jo, em Hoaten eew jie Ojjerajchtichkjeit; de Jewault june Henj wäaj jie auf em Launt.

⁴Aufjegonen sent de Gottloose vom Muttaschoot aun, daut erren vom Muttalief aun de Läajna.

⁵Jeft ha see aus Schlangen Jeft, aus eene doowe Ottaschlang, dee äa Ua veschlit,

⁶dee nich hieet opp de Stemm de Beschwäara, de Zaubra, dee de Zaubaspricha vesteit.

⁷Veschmata, oo Gott, äare Tänen en äarem Mul, bräakj ut daut Jebiss de junge Leiws, Har!

⁸Lot dee vegonen aus Wota, dee veranen! Hee lajcht siene Feilasch aun, soo sent see aus aufjestompt.

⁹Lot an sennen aus eene Schnidj, dee veschmelt un vejeit, aus de Väljeburt bie eene Fru, dee de Sonn niemols jeseenen haft.

¹⁰Iea june Tap de heeten Stachel moakje, woat hee an, fresch ooda brennent, wajch blosen.

¹¹De Jerajchta woat sikj freien, wan hee de Rach sitt; hee woat siene Feet em Bloot de Gottloose boden.

¹²Un de Mensch woat sajen: Jewess, daut jeft Loon fa däm Jerajchten; jewess, daut jeft eenen Gott, dee oppe Ieed rechten deit.