Read De Bibel JHF Psalm 6 Bible Online

Psalm 6 - De Bibel JHF bible

Psalm 6

¹Däm Väasenja, met Seidenspell, opp de 8 seidje Hoap {1Chr.15,20.21}. Een Psalm von David.

²Har, strof mie nich en dienem Oaja, un bestrof mie nich en dienem Jrim!

³Sie mie jnädich, Har! Dan ekj sie vewalkjt; heel mie, Har! Dan miene Knoakes sent enjstlich (vefieet).

⁴Un miene Seel es sea enjstlich. Un du, Har, woo lang?

⁵Komm trigj, Har, erlees miene Seel; rad mie om diene Jnod wellen!

⁶Dan em Doot denkjt maun nich aun die; em Scheol (Doodenrikj (griechisch: Hades)), wäa woat die danken?

⁷Ekj sie meed derch mien Seften; jieda Nacht schwam ekj mien Bad, moak met miene Tronen mien Loaga naut.

⁸Vefole es mien Uag fa Trua, jeellat (bejoat) von aul miene Bedrenja.

⁹Got wajch von mie aule, jie Fräfel (Iebel) doonende! Dan de Har haft miene hielende Stemm jehieet.

¹⁰De Har haft mien Bedden jehieet; mien Jebäd neem de Har aun.

¹¹Aule miene Fiend woaren beschämt un sea enjstlich (vefieet) woaren; see woaren trigj gonen, see woaren plazlich beschämt woaren.