Read De Bibel JHF Psalm 60 Bible Online

Psalm 60 - De Bibel JHF bible

Psalm 60

¹Däm Väasenja. No Schuschan - Edut. Een Jedicht von David, toom Lieren,

²aus hee met de Siera von Mesopotamien un met de Siera von Zoba, un Joab trigjkaum un de Edomieta em Soltdol schluach, 12 000 Maun.

³Gott, du hast ons vestat, hast ons vestreit, best oajalich jewast; fia ons wada trigj!

⁴Du hast daut Launt jescheddat, hast daut veräten; heel siene Räten, dan daut wankt!

⁵Du hast dien Volkj Hoadet seenen loten, du hast ons met Tomelwien jedrenkjt,

⁶dän, dee die ferchten, hast du een Panier jejäft, daut dee sikj opphäwen om de Woarheit wellen. (Sela)

⁷Doamet diene Jeleewde frie jemoakt woaren, rad derch diene Rajchte un erhia ons! {Ps.108,7-14}

⁸Gott haft jerät en sienem Heilichtum: Ekj well froo sennen, well Siechem vedeelen un de Läacht Sukkot utmäten.

⁹Gilead es mient, un Manasse es mient, un Efraim es Schutz fa mien Haupt, Juda mien Harschastock (Zepta).

¹⁰Moab es miene Wauschkomm, opp Edom well ekj miene Schoo schmieten; Filista, juche (jublen) mie too.

¹¹Wäa woat mie enne fauste Staut fieren, wäa woat mie bat no Edom leiden?

¹²Nich du, Gott, dee du ons veschmäten hast, un nich uttrockst, oo Gott, met onse Häasch?

¹³Jeff ons Help vom Bedrenja! Menschen Radinj es Droch (iedel).

¹⁴Met Gott woa wie majchtje Doten doonen; un hee woat onse Bedrenja veklunjen.