Read De Bibel JHF Psalm 65 Bible Online

Psalm 65 - De Bibel JHF bible

Psalm 65

¹Däm Väasenja. Een Psalm. Von David. Een Leet.

²Opp die hopt em stellen de Loffjesank, oo Gott, en Zion, un die woat betolt woaren daut Vespräakjen.

³Du Erheara de Jebäda! No die woat komen aulet Fleesch.

⁴Onjerajchtichkjeiten ha mie äwawaultijt; onse Äwaträdungen, du woascht dee vejäwen.

⁵Seelich dee, däm du erwälst un noda komen latst, daut hee en dienem Väahoff wont! Wie woaren saut woaren met däm Goodem en dienem Hus, dienem heiljem Tempel.

⁶Du woascht ons auntwuaden derch furchtboare Dinj en Jerajchtichkjeit, Gott ons Heil (Radunk) du Hopninj fa aule Enj de Ieed un de wiede Mäasch,

⁷dee de Boaj fauststalt derch siene Krauft, omgortet es met Macht,

⁸dee doa stellt daut Bruzhen de Mäasch, daut Bruzhen äare Walle un daut Toobe de Nazionen.

⁹Un daut ferchten sikj de Bewona de Enj de Ieed, fa diene Tieekjen; du bewirkjst, daut de Morjen un Owent Oppgank jublen.

¹⁰Du hast die de Ieed aunjenomen un äa saut jemoakt, du muakst dee sea rikj: Gottes Stroom es voll Wota. Du muakst äa Jeträajd reed, dan aulsoo hast du dee reedjemoakt.

¹¹Du drenkjst äare Foaren, moakst jlikj äare Kjlieta, du moakst dee wieekj met Blies (Räajen), säajenst äa Jewauss.

¹²Du hast daut Joa met dienem Goot jekjreent, un diene Spuare sent von Fat.

¹³De Weidstapen sent fatich, un met Jubel omgorten sikj de Aunboaj.

¹⁴De Weiden bekjleede sikj met Häaden, un de Schluchten bedakjen sikj met Jeträajd; see jublen, jo, see sinjen.