Read De Bibel JHF Psalm 74 Bible Online

Psalm 74 - De Bibel JHF bible

Psalm 74

¹Een Maskil (Belierunk). Von Asaf. Gott, wuarom hast du fa emma vestat, rieekjat dien Oaja jäajen diene Häad opp diene Weid?

²Jedenkj aun diene Jemeent, dee du ver Tieden erwoawen hast, erleest aus dien Oawgoot - däm Boajch Zion, opp däm du jewont hast!

³Erhäw diene Schräd no dee emma bliewende Trimma (Vebräakjen)! Aules em Heilichtum haft de Fiend vedorwen.

⁴Daut brelle diene Fiend enne Medd diene Vesaumlungen; see ha äare Tieekjen aus Wunda hanjestalt.

⁵See erschienen aus eena, dee daut Biel opphäft aune Asta em Woolt;

⁶un nu veschlonen see aule siene jeschnädne Woakjen met Biels un Homasch.

⁷See ha dien Heilichtum en Braunt jestekjt, bat opp däm Grunt entweit de Wonunk von dienem Nomen.

⁸See säden en äarem Hoaten: Lot ons an aula toop doldrekje! - Vebrennt ha see aule Vesaumlungsstäde Gottes em Launt.

⁹Onse Tieekjen seenen wie nich; kjeen Profeet es mea doa, un kjeena bie ons, dee doa weet, bat wanea.

¹⁰Woo lang noch, oo Gott, saul de Bedrenja spotten, saul de Fiend emma wada dienem Nomen veachten?

¹¹Wuarom trakjst du diene Haunt un diene Rajchte trigj? Ut dienem Bossem väa, vetilj an.

¹²Un doch es Gott mien Kjennich von jeehäa, dee Radinj schauft enne Medd em Launt.

¹³Du deelsd daut Mäa derch diene Macht, du vespoolst de Kjap de Ojjeheia oppem Wota.

¹⁴Du veschmatascht de Kjap de Leviatan, jefst am to Speise däm Volkj, dee Bewona de Wieste.

¹⁵Du leetst Kjwalen un Wotastroom väakomen, emma ranende Streem drieejsd du ut.

¹⁶De Dach es diena, diene uk de Nacht; du hast de Lichta (Mon) un de Sonn reed jemoakt.

¹⁷Du hast aule Jrensen de Ieed faustjestalt; Somma un Winta, du hast dee jeschaufen.

¹⁸Bedenkj daut: De Fiend haft däm Harn vespott, un een gottlooset Volkj haft dienem Nomen veacht.

¹⁹Jeff nich däm Rauptia de Seel diene Turtelduw; daut Läwen diene Älendje woascht du nich fa emma vejäten.

²⁰Kjikj han opp däm Bunt! Dan de diestre Uaten de Ieed sent voll von Woninj de Jewault.

²¹De Unjadrekjta kjemt nich beschämt trigj; lot dän Älenden un Oamen dienen Nomen lowen.

²²Sto opp, oo Gott, fia dienen Rajchtstriet! Jedenkj, aun de Noaren, {Ps.14,2} dee, däm gaunzen Dach, die vespotten!

²³Vejat nich de Stemm diene Jäajna! Daut Jeschrech von diene Fiend sticht bestendich enopp.