Read De Bibel JHF Psalm 75 Bible Online

Psalm 75 - De Bibel JHF bible

Psalm 75

¹Däm Väasenja, «Vedoaw nich!» Een Psalm von Asaf, een Leet.

²Wie danken die, oo Gott, wie lowen die; un dien Nomen es dichtbie, diene Wundawoakjen vekjindjen daut.

³«Wan ekj de bestemde Tiet errieekjen woa, well ekj rajcht rechten.

⁴Daut wankt de Ieed un aule äare Bewona: Ekj ha äare Stendasch faustjestalt». (Sela)

⁵Ekj säd to däm Äwamootjen: Siet nich äwamootich! Un toom Gottloosen: Erhäwt nich daut Huarn!

⁶Häft jun Huarn nich nohecht; räd nich frajch met jerakjtem Hauls!

⁷Dan nich vom Oosten noch vom Wasten un nich vonne Wieste kjemt Erhäwung.

⁸Dan Gott es Rechta; disem sat hee rauf, un janem häft hee.

⁹Dan een Kuffel es enne Haunt vom Harn, un schumt von Wien, es voll von scheenem Wien, un hee schenkjt doarut en: Jo, siene Häw motten aule Gottloose de Ieed schlurpsent drinkjen.

¹⁰Oba ekj, ekj well daut en Eewichkjeit vekjindjen, well Jakob sienem Gott Psalmen sinjen.

¹¹Un aule Hieena de Gottloose woa ekj aufhaken; daut woaren jehowen woaren de Hieena de Jerajchte.