Read De Bibel JHF Psalm 76 Bible Online

Psalm 76 - De Bibel JHF bible

Psalm 76

¹Däm Väasenja. Met Seidenspell. Een Psalm. Von Asaf. Een Leet.

²Gott es en Juda bekaunt, en Israel es sien Nomen groot.

³Un en Salem es sien Zelt, un siene Wonunk en Zion.

⁴Doa bruak hee de Blitz Boages, Schild un Schwieet un Kjrich. (Sela)

⁵Glaunsvoll best du, harlicha aus de Boaj von Raup.

⁶De Stoakjhoatje stonen jeplindat doa, see schlopen äarem Schlop; un kjeena de browe Mana funk siene Henj.

⁷Von dienem Schellen, Gott von Jakob, sent en deepen Schlop vesunken soo aus Woagen aus Pieed.

⁸Du best furchtboa, un wäa kaun ver die bestonen, sooboolt du die oajascht!

⁹Du latst Jerecht vom Himmel hieren; de Ieed enjst sikj un wort stell,

¹⁰aus Gott toom Jerecht oppstunt, om aule Saunftmootje de Ieed to raden.

¹¹Dan de Oaja de Menschen woat die veharlichen; met däm Äwajen vom Oaja woascht du die omgorten.

¹²Doot un betolt daut Vespräakjen däm Harn, junem Gott; aula, dee jie om am häa sent, brinjt Jeschenkja däm Ferchtboarem!

¹³Hee deemooticht däm Jeist de Ferschten, hee es furchtboa fa de Kjennichs de Ieed.