Read De Bibel JHF Psalm 79 Bible Online

Psalm 79 - De Bibel JHF bible

Psalm 79

¹Een Psalm. Von Asaf. Gott, de Heiden sent en dien Oawgoot jekomen, ha dienen heiljen Tempel veonreinicht, ha Jerusalem toom Trimmahupe jemoakt.

²De Doodeskjarpa von diene Kjnajchts ha see de Himmelsväajel too Speise jejäft, daut Fleesch von diene Fromme de wille Tieren de Ieed.

³See ha äa Bloot aus Wota vegoten, runtom Jerusalem häa, un kjeena wia doa, dee begroof.

⁴Wie sent eene Schmach jeworden fa onse Nobasch, een Spott un Schaund dän, dee ons omjäwen.

⁵Woo lang noch, Har? West du emma wada oajalich sennen, saul aus Fia brennen dien Iewa?

⁶Schedd dien Oaja ut äwa de Heiden, dee die nich kjanen, un opp de Kjennichrikjs, dee dienen Nomen nich aunroopen.

⁷Dan maun haft Jakob vetäat, un siene Wonunk ha see vewust.

⁸Jedenkj ons nich de Onjerajchtichkjeiten de Väaelren, lot ons diene Erboarmungen boolt entjäajen komen, dan sea schwak sent wie jeworden.

⁹Halp ons, Gott ons Heil, om de Iea dienen Nomes wellen; un rad ons, un vezei onse Sinden om dienen Nomes haulwen!

¹⁰Wuarom sellen de Heiden sajen: Wua es äa Gott? Lot unja de Heiden ver onse Uagen to weeten de Rach fa daut vegotne Bloot diene Kjnajchts!

¹¹Lot ver die komen daut Seften dee Jefangne; nodäm groote dienen Oarm lot äwabliewen de Doodeskjinja!

¹²Un jeff onse Nobasch äaren Spott, met waut see die, Har, jespott ha, 7-fach en äarem Bossem trigj.

¹³Soo woa wie, dien Volkj, un de Häad von diene Weid, die eewich danken, dien Riem vetalen von Jeschlajcht too Jeschlajcht.