Read De Bibel JHF Psalm 81 Bible Online

Psalm 81 - De Bibel JHF bible

Psalm 81

¹Däm Väasenja. Opp de Gittith. Von Asaf.

²Jubelt Gott, onse Krauft! Jubelt däm Gott von Jakob!

³Erhäwt Jesank un lot de Pauke äa Toon jäwen, de leeftolje Zitta met de Hoap!

⁴Blost aum Niemon enne Posaun, aum Vollmon aun onsem Fastdach!

⁵Dan daut es eene Sazunk fa Israel, eene Veordninj von Jakob sienem Gott.

⁶Hee sad daut en aus een Zeichnis en Josef, aus hee uttrock jäajen daut Launt Ägipten, woa ekj eene Sproak hieed, dee ekj nich kjand.

⁷Ekj muak frie siene Schulren von de Laust, siene Henj worden frie vom Korf met Laust.

⁸Enne Bedrenkjnis roopst du, un ekj muak die frie; ekj auntwuad die em jeheemen Donna; ekj vesocht die aun däm Wota von Meriba. (Sela)

⁹Hea, mien Volkj, un ekj well jäajen die zeijen. Oo Israel, wan du mie jehorchst!

¹⁰Daut saul kjeen framda Gott (El) unja die sennen, un du saust die nich fa eenem framden Gott bekjen.

¹¹Ekj sie de Har, dien Gott, dee die ut däm Launt Ägipten rutjefieet haft; doo dien Mul wiet op, un ekj well am fellen.

¹²Oba mien Volkj haft nich opp miene Stemm jehieet, un Israel es nich wellich jäajen mie jewast.

¹³Un ekj jeef an de Vestockunk von äarem Hoaten han; see waundlen no äare Rotschläaj.

¹⁴Oo daut mien Volkj opp mie jehieet haud, daut Israel en miene Wäaj jewaundelt haud!

¹⁵Boolt haud ekj äare Fiend jeboagen un miene Haunt jäajen äare Bedrenja jedreit.

¹⁶De Haussa Gottes hauden sikj am met schmeichlen unjadon, un äare Tiet wia eewich jewast;

¹⁷un met däm Fat vom Weit haud hee daut jespeist, un met Honnich ut däm Fels haud ekj die saut jemoakt.