Read De Bibel JHF Psalm 83 Bible Online

Psalm 83 - De Bibel JHF bible

Psalm 83

¹Een Psalmleet. Von Asaf.

²Gott, sie nich stell; vestomm nich un sie nich stell, oo Gott (El)!

³Dan kjikj, diene Fiend tooben, un diene Haussa häwen daut Haupt.

⁴Jäajen dien Volkj moaken see lestje Aunschläaj, un beroden sikj jäajen diene Schutzlinje.

⁵See säden: Komt un lot ons an vetiljen, daut see kjeen Volkj mea sent, daut de Nomen Israel nich mea jedocht woat!

⁶Dan see ha sikj met eenmootjem (eenem Senn em) Hoaten beroden, see ha eenen Bunt jäajen die jemoakt;

⁷de Zelten Edoms un de Ismaelita, Moabita un de Hagarita,

⁸Gabal un Amon un Amalek, Filista met de Bewona von Tierus;

⁹uk Assur haft sikj an aunjeschloten; see sent to eenem Oarm fa de Säns Loot jeworden. (Sela)

¹⁰Doo an aus Midian, aus Sisera, aus Jabin aum Bach Kison;

¹¹dee venicht worden en En-Dor, dee fa daut Launt toom Dinjmeddel worden!

¹²Moak an, äare Adelje, aus Oreb un aus Seeb, aus Sebach un aus Zalmunna aule äare Harscha!

¹³Wiels see jesajcht ha: Lot ons de Woninj Gottes aus Ieejentum nämen!

¹⁴Mien Gott, moak an to eenem Kjriesel von Stoff, aus Stoppel verem Wint!

¹⁵Aus Fia däm Woolt vebrent, un aus eene Flaum de Boaj aunstekjt,

¹⁶soo vefolj an met dienem Wada, un met dienem Stormwint enjst an wajch!

¹⁷Fell äa Aunjesecht met Schaund, doamet see dienen Nomen sieekjen, oo Har!

¹⁸Lot an fa emma beschämt un wajch jejoach woaren, un met Schaund bedakjt woaren un omkomen,

¹⁹un erkjanen, daut du auleen, däm sien Nomen Har es, de Hechsta best äwa de gaunze Ieed!