Read De Bibel JHF Psalm 91 Bible Online

Psalm 91 - De Bibel JHF bible

Psalm 91

¹Wäa unjrem Schorm (em Schutz) vom Hechsten sett, woat bliewen em Schauten vom Aulmajchtjen.

²Ekj saj toom Harn: Miene Tooflucht un miene Burjch; mien Gott, opp am well ekj vetruen.

³Dan hee woat die raden von de Schlenj dee Voageljäajasch, von de vedoawliche Past.

⁴Met siene Flichten woat hee die bedakjen, un du woascht Tooflucht finjen unja siene Flichten; Schild un Schutz es siene Woarheit.

⁵Du woascht die nich enjsten fa däm Schrakj enne Nacht, ver däm Feila, de aum Dach flicht,

⁶fa de Past, dee em Diestren waundelt, ver de Ploag, dee opp Meddach vedoaft.

⁷1000 woaren faulen aun diene Sied, un 10 000 aun diene Rajchte - die woat daut nich errieekjen.

⁸Blooss met diene Uagen woascht du kjikjen, un woascht seenen de Vejeltunk de Gottloose.

⁹Wiels du Har, miene Tooflucht, däm Hechsten, too diene Wonunk jesat hast,

¹⁰soo woat die kjeen Onjlekj trafen (bejäajnen), un kjeene Ploag dienem Zelt nodakomen;

¹¹dan hee woat siene Enjel äwa die befälen, die too bewoaren opp aul diene Wäaj.

¹²Oppe Henj woaren see die droagen, doamet du dienen Foot nich aun eenen Steen statst.

¹³Opp Leiw un Otta woascht du klunjen, junge Leiw un Droak (Drachen) woascht du dolklunjen.

¹⁴Wiels hee aun mie henjt, well ekj am raden; ekj well am en Sechaheit saten, wiels hee mienen Nomen kjant.

¹⁵Hee woat mie aunroopen, un ekj woa am auntwuaden, ekj woa bie am sennen enne Bedrenkjnis; ekj woa am rutrieten un am too Iea brinjen.

¹⁶Ekj woa am saut moaken met een langem Läwen un am mien Heil seenen loten.