Read De Bibel JHF Psalm 95 Bible Online

Psalm 95 - De Bibel JHF bible

Psalm 95

¹Komt, lot ons däm Harn tojublen, lot ons tojauchze däm Fels von onsem Heil!

²Lot ons am entjäajen gonen met Dank, lot ons met Psalmen am tojauchze!

³Dan een groota Gott (El) es de Har, un een groota Kjennich äwa aule Jetta;

⁴en siene Haunt sent de Deepe de Ieed, un de Huage Boaj sent siene;

⁵dan sien es daut Mäa, hee haft daut jemoakt; un daut Drieeje, siene Henj ha daut jemoakt.

⁶Komt, lot ons aunbäden un ons dol bekjen (kjnee), lot ons dolkjnee ver däm Harn, dee ons jemoakt haft!

⁷Dan hee es ons Gott, un wie sent daut Volkj opp siene Weid un de Häad en siene Haunt. - Vondoag, wan jie siene Stemm hieren,

⁸vehoat june Hoaten nich, aus bie Meriba, aus aum Dach von Massa enne Wieste;

⁹aus june Vodasch mie vesochten, mie proowde, un see sagen doch mien Woakj!

¹⁰40 Joa haud ekj Äakjel aun däm Jeschlajcht, un ekj säd: Een Volkj met errendem Hoaten sent see. Oba see ha miene Wäaj nich erkjant;

¹¹soo daut ekj en mienem Oaja schwua: Wan see en miene Ru engonen woaren!