Read De Bibel JHF Psalm 99 Bible Online

Psalm 99 - De Bibel JHF bible

Psalm 99

¹De Har rejieet: Doa zetren de Velkja; hee troont tweschen dee Cherubim: De Ieed wankt.

²Groot es de Har en Zion, un huach es hee äwa aule Velkja.

³Lowen sellen see dienen Nomen, däm groote un ferchtboaren, heilich es hee, -

⁴un de Kjennichskrauft, dee daut Rajcht leeft! Du stalst de Opprechtichkjeit faust, du eewst Rajcht un Jerajchtichkjeit en Jakob.

⁵Erhäwt däm Harn, onsem Gott, un fault dol ver de Footbenkj, siene Feet! Heilich es hee.

⁶Moses un Aaron unja siene Priesta, un Samuel unja dän, dee sienen Nomen aunroopen, roopten toom Harn, un hee auntwuad an.

⁷Em Wolkjestenda räd hee to an; see bewoaden siene Zeijnise un de Sazunk, dee hee an jeef.

⁸Har, ons Gott, du hast an jeauntwuat! Een vejäwenda Gott (El) wieescht du an, un een racheewenda (strofenda) äare Doten.

⁹Erhäwt däm Harn, onsem Gott, un fault dol aun sienem heiljen Boaj! Dan heilich es de Har, ons Gott.