Read De Bibel JHF Spricha 18 Bible Online

Spricha 18 - De Bibel JHF bible

Spricha 18

¹Wäa sikj aufsondat, tracht no siene Lost; jäajen aule Ensecht jeit hee haftich aun.

²De Noa haft kjeene Lost aun Vestentnis, sonda blooss doaraun, daut sien Hoat sikj openboat.

³Wan een Gottloosa kjemt, soo kjemt uk Veachtunk; un met de Schaund kjemt Schmach.

⁴De Wieed ut däm Mul von eenem Maun sent deepe Wota, een sprudelnda Bach, eene Kjwal de Weisheit.

⁵Daut es nich goot, de Persoon de Gottloose auntokjikjen, om däm Jerajchten em Jerecht too bieejen.

⁶De Leppen de Noaren jelunge em Striet, un sien Mul roopt no Schläaj.

⁷Daut Mul de Noaren woat am toom Unjagank, un siene Leppen sent de Faulstrank siena Seel.

⁸De Wieed de Beleidja sent aus scheenet Schmakjsel, un see drinjen nenn en daut Ennaliche vom Lief.

⁹Uk wäa sikj schloff erwiest en siene Oabeit, es een Brooda vom Vedoawa.

¹⁰De Nomen Gottes es een stoakja Torm; de Jerajchta rant doahan un es en Sechaheit.

¹¹Daut Vemäajen de Rikje es siene fauste Staut, un en siene Ennbillniss aus eene huage Mia.

¹²Ver däm toopbräakjen woat däm Maun sien Hoat stolt, un de Iea jeit Deemoot verut.

¹³Wäa Auntwuat jeft, ea hee aunhieet, däm es et Noaheit un Schaund.

¹⁴De Jeist von eenem Maun erdrajcht siene Krankheit; oba een veschloagna Jeist, wäa recht am opp?

¹⁵Daut Hoat de Vestendje jewent Erkjantnis, un daut Ua de Weise sieekjt no Erkjantnis.

¹⁶Daut Jeschenkj de Menschen moakt am Rum un veschauft am Toogank to de Groote.

¹⁷De ieeschta en siene Striedsach haft rajcht; doch sien Näajsta kjemt un forscht am ut.

¹⁸Daut Loss schlicht Striedarie un brinjt Majchtje uteenaunda.

¹⁹Een Brooda, aun däm maun ontru jehaundelt haft, wadasteit mea aus eene fauste Staut; un Striedarie sent aus de Rijel aun eene Burjch.

²⁰Von de Frucht ut sienem Mul woat daut Ennaliche von eenem Maun saut, vom Jewenst siene Leppen woat hee saut.

²¹Doot un Läwen sent enne Jewault de Tung, un wäa dee leeft, woat äare Frucht äten.

²²Wäa eene Fru jefungen, haft goodet jefungen un haft Wooljefaulen erlangt ver däm Harn.

²³De Oama rät beddent, oba de Rikja auntwuat Hoadet.

²⁴Een Maun von väl Frind woat too Grunt gonen; doch daut jeft eenen, dee leeft un aunhenjlich es aus een Brooda.