Read De Bibel JHF Spricha 2 Bible Online

Spricha 2 - De Bibel JHF bible

Spricha 2

¹Mien Sän, wan du miene Räd aunnemst un miene Jebooten bie die bewoascht,

²soo daut dien Ua opp Weisheit moakje latst, dien Hoat neijst too Vestentnis;

³jo, wan du däm Vestaunt roopst, diene Stemm erhäfst toom Vestentnis;

⁴wan du am sieekjst aus Selwa, un aus no veborjnem Schauz am noforschst:

⁵Dan woascht du de Forcht Gottes vestonen un de Erkjantnis Gottes finjen.

⁶Dan de Har jeft Weisheit; ut sienem Mul komen Erkjantnis un Vestentnis.

⁷Hee bewoat kluaken Rot (daut Heil) opp fa dee Opprechtje, hee es een Schild fa dän, dee en Vollkomenheit waundlen;

⁸endäm hee de Stiej vom Rajcht un däm Wajch siene Fromme bewoat.

⁹Dan woascht du Jerajchtichkjeit vestonen un Rajcht un Opprechtichkjeit, jiedre Spua vom Gooden.

¹⁰Dan Weisheit woat en dien Hoat komen, un Erkjantnis woat diene Seel leeftolich sennen;

¹¹Besennenheit woat äwa die wache, Vestentnis die bewoaren;

¹²om die to raden von däm beesem Wajch, von däm Maun, dee Vekjieedet räd;

¹³dee doa däm Stich de Jerajchte velat, om opp de Wäaj de Diestanis too waundlen;

¹⁴dee sikj freien, Beeset to doonen, äwa beeshaufte Vekjieetheit sikj freien;

¹⁵dee äare Stiej kromm sent, un dee aufbäaje opp äare Bon;

¹⁶om die von de framde Fru to raden, von de Framde, dee äare Wieed glaut moakt;

¹⁷dee däm Vetruden äare Jugent velat un däm Bunt von äarem Gott vejat.

¹⁸Dan äa Hus sinkjt toom Doot rauf, un äare Bon toom Schauten; {Ps.88,11}.

¹⁹Aule, dee bie ar nengonen, komen nich wada un errieekjen nich de Stiej vom Läwen:

²⁰Doamet du opp däm Gooden Wajch waundelst un opp de Stiej de Jerajchtichkjeit blifst.

²¹Dan de Opprechtje woaren daut Launt bewonen, un de Vollkomne doa äwabliewen;

²²oba de Jesazloose woaren ut däm Launt utjerot, un de Truloose woaren doarut wajchjeräten.