Read De Bibel JHF Spricha 20 Bible Online

Spricha 20 - De Bibel JHF bible

Spricha 20

¹De Wien es een Spata, stoakjet Jedrenkj een Jedruzh; un jiedra, dee sikj doamet berauscht, woat nich weis.

²De Kjennichsschrakj es aus daut Gnorre von eenem jungen Leiw; wäa sikj sienem Oaja hanjeft, vewert sien Läwen.

³Daut es däm Maun eene Iea, vom Striet auftoloten; wäa een Noa es, lat sikj doa nenn.

⁴Met däm Hoafst aunfank well de Fula nich plieejen; too Arnttiet woat hee wellen, un nuscht es doa.

⁵Deepet Wota es de Rotschluss em Hoat vom Maun, oba een veständja Maun schapt am ut.

⁶De mieeschte Menschen roopen een jiedra sien Goodet ut; oba eenen toovelotjen Maun, wäa woat am finje?

⁷Wäa en siene Vollkomenheit jerajcht waundelt, jlekjseelich sent siene Kjinja no am!

⁸Een Kjennich, dee oppem Jerechtstroon sett, vestreit aulet Beese met siene Uagen.

⁹Wäa doaf sajen: Ekj ha mien Hoat jereinicht, ekj sie rein jeworden von miene Sinden?

¹⁰Tweeatlei Jewicht Steena, tweeatlei Mot, dee sent beid däm Harn een Aufschu.

¹¹Aul een Jung jeft sikj derch siene Haundlunk too erkjanen, auf sien Doonen rein, un auf daut opprechtich es.

¹²Daut hierende Ua un daut seenende Uag, de Har haft dee beid jemoakt.

¹³Leew nich däm Schlop, doamet du nich Oarm woascht; doo diene Uagen op, soo woascht du jenuach Broot ha.

¹⁴Schlajcht, schlajcht! Sajcht dee, dee waut kjeepen well; un wan hee wajch jeit, dan riemt hee sikj.

¹⁵Daut jeft väl Golt un Korale; oba een kostboaret Jefäss sent Leppen de Erkjantnis.

¹⁶Nemm am daut Kjleet, dan hee es fa eenem aundren Birj jeworden; un om de Framde äa haulwen - nemm von am Auntolinj.

¹⁷Daut Broot de Faulschheit es eenem Maun seet, oba nohäa woat sien Mul voll Graunt.

¹⁸Pläne komen derch beroden tostaund, un met weis Äwalajunk fia Kjrich.

¹⁹Wäa aus Pludara omhäa jeit, dakjt Jeheemnisen op; un met däm, dee siene Leppen opmoakt, lot die nich en.

²⁰Wäa sienen Voda ooda siene Mutta flieekjt, däm siene Laump woat utjelascht en deepe Diestanis.

²¹Een Oawgoot, daut haustich aum Aunfank erlangt woat, däm sien Enj woat nich jesäajent sennen.

²²Saj nich: Ekj well Beeset vejelten. Vetru oppem Harn, soo woat hee die raden.

²³Tweeatlei Jewichtsteena sent däm Harn een Groll, un faulsche Wichtschol sent nich goot.

²⁴Vom Harn sent däm Maun siene Schräd aufhenich; un de Mensch, woo saul hee sienen Wajch vestonen?

²⁵Een Faulstrank fa däm Mensch es daut, toschwind to räden: Jeheilicht! Un nom Vespräakjen äwalajen.

²⁶Een weisa Kjennich vestreit de Gottloose un fieet daut Draschraut äwa an häa.

²⁷De Jeist de Menschen es eene Laump Gottes, derchforscht aule Komasch em Lief.

²⁸Goodet un Woarheit bewoaren däm Kjennich, un derch Goodet stett hee sienen Troon.

²⁹De Riem de junge Mana es äare Krauft, un grauet Hoa de Schmuck de Oole.

³⁰Wundstrime reinjen vom Beesen, un Schläaj reinjen de Komasch vom Lief.