Read De Bibel JHF Spricha 6 Bible Online

Spricha 6 - De Bibel JHF bible

Spricha 6

¹Mien Sän, wan du Birj jeworden best fa dienen Näakjsten, fa eenen aundren diene Haud enjeschloagen hast;

²best du faustjerant derch de Wieed von dienem Mul, jefangen derch de Wieed von dienem Mul:

³Dan doo dit, mien Sän, un riet die loos, doa du enne Haunt von dienem Näakjsten jekomen best; go han, schmiet die han, un bedwinj dienen Näakjsten;

⁴lot diene Uagen kjeen Schlop, un diene Ziepasch nich schleeprich woaren;

⁵riet die loos aus een Ree ut de Haunt, un aus een Voagel ut de Haunt vom Voageljriepa.

⁶Go han no de Eemskje, du Fula, kjikj opp äare Wäaj un woa weis.

⁷Kjikj, dee kjeenen Rechta, Väastona un Jebeeda ha,

⁸see moakt em Somma äa Broot reed, haft enne Arnt äare Speise enjesaumelt.

⁹Bat wanea west du ligjen, du Fula? Wan west du von dienem Schlop oppstonen?

¹⁰Een beskje Schlop, een beskje schleeprich, een beskje Henjfoljen, om uttoreiwen:

¹¹Un diene Oamoot woat komen aus een jesunda opptoo Komenda, un diene Noot aus een Maun met eenem Jewäa.

¹²Een Belialmensch, een heilloosa Maun es, wäa omhäa jeit met Faulschheit em Mul,

¹³met siene Uagen plinkjat, met siene Feet schoaft, met siene Finjasch wiest.

¹⁴Faulschheit sent en sienem Hoaten; hee plont (schmett) Beeset too aule Tiet, streit Jezank ut.

¹⁵Doarom woat plazlich sien Vedoawen komen; em Uagenblekj woat hee veschmatat woaren onen Heelunk. -

¹⁶6 sent daut, dee de Har haust, un 7 sent siene Seel een Aufschu:

¹⁷Huage Uagen, eene Läajestung, un Henj, dee onschuldjet Bloot vejeeten;

¹⁸een Hoat, daut heilloose Aunschläaj plont (schmett), Feet, dee schwind toom Beesen hanranen;

¹⁹wäa Läajes uträd aus een faulscha Zeij, un wäa Jezank utstreet tweschen Breeda.

²⁰Mien Sän, bewoa daut Jeboot von dienem Voda, un velot nich de Belierunk von diene Mutta;

²¹binj see emma opp dien Hoat, kjnepp dee om dien Hauls.

²²Wan du omhäa jeist, woat see die leiden; wan du die dollajst, woat see äwa die woaken; un wakjst du opp, soo woat see met die räden.

²³Dan daut Jeboot es eene Laump, un de Belierunk een Licht; un de Trajchtwiesunk de Zucht es de Wajch toom Läwen:

²⁴Om die too bewoaren ver de beese Fru, ver de glaute Tung eene Framde.

²⁵Bejia nich en dienem Hoaten no äare Scheenheit, un see jript die nich met äare Ziepasch!

²⁶Dan om eene huararische Fru äa wellen kjemt maun bat opp een Broot, un eenem Maun siene Fru jajcht eene kostboare Seel no. -

²⁷Sull wäa Fia en sienem Bossem nämen, onen daut siene Kjleeda vebrennen?

²⁸Ooda sull wäa äwa jlieejende Kole gonen, onen daut siene Feet vesenjt wudden?

²⁹Soo dee, dee no de Fru von sienem Näakjsten ennjeit: Kjeena, dee äa aunfoot, woat fa schultloos jehoolen woaren. -

³⁰Maun veacht däm Deef nich, wan hee stält, om siene Jia too stelle, wiels am hungat;

³¹un wan hee jefungen woat, kaun hee 7-fach betolen, kaun aulet Goot von sienem Hus hanjäwen.

³²Wäa met eene Fru Ehebruch bejeit, es onsennich; wäa siene Seel vedoawen well, dee deit soowaut.

³³Ploag un Schaund woat hee finjen, un siene Schmach woat nich utjelascht woaren.

³⁴Dan Aufgonst wakjt Oaja en eenem Maun, un aum Dach de Rach schoont hee nich.

³⁵Hee nemt kjeene Rikjsecht opp irjent eenem Aufprachre un wellicht nich en, muchst du uk daut Jeschenkj vejratren.