Read De Bibel JHF Liera 11 Bible Online

Liera 11 - De Bibel JHF bible

Liera 11

¹Schekj dien Broot oppe Wotaspieejel, dan no väl Doag woascht du daut finjen.

²Jeff eenen Deel aun 7, jo, soogoa aun 8; dan du weetst nich, waut faOnjlekj oppe Ieed passieren woat.

³Wan de Wolkjen voll Räajen sent, soo schedden see sikj opp de Ieed ut; un wan een Boom nom Sieden ooda nom Nuaden felt: Aun däm Uat, woa de Boom felt, doa blift hee ligjen.

⁴Wäa opp däm Wint acht jeft, woat nich seien, un wäa de Wolkjen sitt, woat nich arnten.

⁵Soo aus du nich weetst, woa de Wajch vom Wint es, woo de Jläda em Muttalief reed jemoakt woaren, krakjt soo weetst du daut Woakj Gottes nich, dee aules wirkjt.

⁶Zemorjes sei dien Sot, un Oppenowent trakj diene Haunt nich trigj; dan du weetst nich, woont waussen woat: Auf dit ooda jant, ooda auf beid tojlikj goot woaren woat.

⁷Un seet es daut Licht, un goot doonent däm Uag, de Sonn to seenen.

⁸Dan wan de Mensch uk väl Joaren läft, mucht hee sikj en an aule freien, un de Doag de Diestanis jedenkjen, daut väl von an sennen woaren: Aules, waut kjemt, es Eitelkjeit.

⁹Frei die, Jinjlinkj, en diene Jugent, un dien Hoat moakt die froo enne Doag diene Jugenttiet, un waundel opp de Wäaj von dienem Hoat un em Aunseenen diene Uagen; doch weet, daut fa dit aules Gott die em Jerecht brinjen woat.

¹⁰Un doo dän Onmoot (Truarichkjeit) ut dienem Hoat, un doo daut Iebel von dienem Lief wajch; dan de Jugent un daut Maunsella sent Eitelkjeit.