Read De Bibel JHF Liera 12 Bible Online

Liera 12 - De Bibel JHF bible

Liera 12

¹Un denkj aun dienem Erschaufa enne Doag diene Jugenttiet, ea de Schlajchte Doag komen, un de Joaren doatoo komen, von dee du sajen woascht: Ekj ha aun an kjeen jefaulen;

²ea sikj de Sonn vedunkelt un daut Licht, un de Mon un de Stierns, un de Wolkjen nom Räajen wada komen;

³aun däm Dach, aun däm de Wajchtasch vom Hus zetren, un de kjraftje Mana sikj kjrellen, un de Molende (Frues) enne Mäl fieren, wiels see weinje jeworden sent, un see sent dunkel jeworden, dee derch de Fensta kjikjen,

⁴un de Däaren no de Gaussen veschlooten woaren; endäm daut Jeruzh de Mäl leisa woat, un hee oppsteit met de Stemm de Väajel, un leisa woaren aule sinjende Dajchta.

⁵See ha uk Angst fa de Aunboaj, un Schrakjnise sent opp däm Wajch; un de Mandelboom bläjt, un de Heischrakj schlapt sikj han, un de Opptietsmeddel sent wirkjungsloos. Dan de Mensch jeit han - no sienem eewjen Hus, un de Kloagende gonen omhäa opp de Gaussen; -

⁶ea de Selwane Schnua veräten woat, un de goldne Tala veschloagen, un de Amma aune Kjwal vebroaken, un veschloagen woat daut Raut aum Borm;

⁷un de Stoff wada no de Ieed trigjjeit, soo aus hee jewast es, un de Jeist no Gott trigjjeit, dee am jejäft haft.

⁸Eitelkjeit de Eitelkjeite! Sajcht de Liera; aules es Eitelkjeit!

⁹Un buta däm, daut de Liera weis wia, lieed hee noch daut Volkj Erkjantnis un äwaläd un forscht, un schreef väl Spricha.

¹⁰De Liera socht aunjenäme Wieed too finjen; un daut Jeschräwne es rechtich, Wieed de Woarheit.

¹¹De Wieed de Weise sent aus Hachel, un aus enjeschloagne Näajel de jesaumelde Spricha; see sent jejäft von eenem Hoad.

¹²Un äwajens, mien Sän, lot die woarnen: Daut väl Bieekja moaken es kjeen Enj, un väl Studieren es Meedmoakent fa daut Lief.

¹³Daut Enj vom Gaunzen lot ons hieren: Forcht Gott un hool siene Jebooten; dan daut saul jiedra Mensch.

¹⁴Dan Gott woat jiedret Woakj, daut goot ooda bees es, en daut Jerecht äwa aulet Veborjne brinjen.