Read De Bibel JHF Leet de Leeda 6 Bible Online

Leet de Leeda 6 - De Bibel JHF bible

Leet de Leeda 6

¹Wuahan es dien Jeleewda jegonen, du Baste unja de Frues? Wuahan haft dien Jeleewda sikj jedreit? Un wie wellen am met die sieekjen.

²Mien Jeleewda es en sienem Goaden noppjegonen, nom Balsam Goaden, om em Goaden too weiden un Lelje too plekjen.

³Ekj sie mienem Jeleewden siene; un mien Jeleewda es miena, dee unjre Lelje weid.

⁴Du best scheen, miene Frindin, aus Tirza, leeflich aus Jerusalem, furchtboa aus Kjrichsschoa.

⁵Drei diene Uagen von mie auf, dan see äwawaultjen (vewerren) mie. Dien Hoa es aus eene Häad Kose, dee aun däm Aunboaj von Gilead loagren;

⁶diene Tänen sent aus eene Häad Muttaschop, dee vom schwamen nohecht komen, dee aultomol Poakjes jebuaren, un kjeent unja an es onfruchtboa;

⁷aus eene Schnäd von eenen Granataupel es dien Schlop unja dienem Schleia.

⁸60 sent de Kjennijine un 80 de Näbenfrues, un Junkfrues onen Zol.

⁹Eene es miene Duw, miene Vollkomne; see es de eensje äare Mutta, see es de Uterwälde von dee mie jebuaren haft. Dajchta seenen ar un lowen ar jlekjlich, Kjennijine un Näbenfrues, un see lowen ar.

¹⁰Wäa es see, dee doa raufkjikjt aus daut Morjenroot, scheen aus de Mon, rein aus de Sonn, furchtboa aus daut Kjrichshäa?

¹¹En däm Nätgoaden jinkj ekj rauf, om de junge Plaunten vonne Läacht too beseenen, om to seenen, auf de Wienstock utjeloten haud, auf de Grenautapel blieejen.

¹²Onweetend sad miene Seel mie opp däm Prachtwoage von mienem adeljen (welljem) Volkj.