Read De Bibel JHF Leet de Leeda 7 Bible Online

Leet de Leeda 7 - De Bibel JHF bible

Leet de Leeda 7

¹Drei om, drei om, Sulamit; drei om, drei om, daut wie die aunkjikjen! - Waut mucht jie aun de Sulamit seenen? Aus de Reijen von Machanaim.

²Woo scheen sent diene Schräd en diene Schoo, Dochta de Ferschten! De Tjnäp - diene Hoften sent aus eene Haulskjäd, een Woakj von Kjenstlahaunt.

³Dien Nowel es eene runde Schiew, en dee de Mischwien nich mangelt; dien Lief een Weithupe, ommtient met Lelje.

⁴Diene beid Brosten sent aus een Poakje junge Kose.

⁵Dien Hauls es aus een Torm von Aulfenbeen; diene Uagen aus daut Wota von Hesbon aum Dooa de volkjsrikje Staut; diene Näs aus de Libanon Torm, dee no Damaskus hankjikjt.

⁶Dien Haupt opp die es aus de Karmel, un daut raufhenjende Hoa von dienem Haupt aus Purpur: Een Kjennich es jefasselt derch diene Locke!

⁷Woo scheen best du, un woo leeftolich best du, oo Leew, unja däm Jenuss!

⁸Dise diene Hecht es (du best jewossen) aus de Palme, un diene Brosten aus Druwen.

⁹Ekj säd: Ekj well opp de Palme noppstieen; well äare Asta omfoten; un diene Brosten sellen mie aus Druwen vom Wienstock sennen, un de Duft ut diene Näs aus Appel,

¹⁰un dien Bähn aus de basta Wien, - dee mienem Jeleewden saunft raufrant, dee äwa de Leppen de Schlopende rant.

¹¹Ekj sie mienem Jeleewden siene un no mie es sien Velangen.

¹²Komm mien Jeleewda, lot ons oppem Flekj rutgonen, enne Darpa äwanachten.

¹³Wie wellen ons tiedich oppmoaken no de Wienboaj, wellen seenen, auf de Wienstock utjeschloagen haft, daut Wienbläjsel sikj opjemoakt haft, auf de Grenaute blieejen; doa well ekj die miene Leew jäwen.

¹⁴De Dudaim {1Mo.30,14}; (Leewaupel, Alraune) rikjen, un äwa onse Däaren sent aulahaunt adelje Fruchte, niee un oole, dee ekj, mien Jeleewda, die oppbewoat ha.