Read De Bibel JHF Jesaja 13 Bible Online

Jesaja 13 - De Bibel JHF bible

Jesaja 13

¹Utspruch äwa Babel, dee Jesaja, de Sän Amoz, jeseenen haud.

²Häft een Tieekjen oppem kolen Boajch opp, roopt an too met ne lude Stemm, häft de Haunt, daut see en de Dooasch de Ferschten nentrakjen!

³Ekj ha miene Jeheilichte befoolen, uk miene Helden to mienem Zornjerecht jeroopt, miene - stolt sikj Freiende.

⁴Horch! Een Jelud opp de Boaj, aus von eenem grootem Volkj; horch! Een Jetees vonne Kjennichrikjs vesaumelden Nazionen: Gott de Häaschoa mostat een Kjrichshäa,

⁵Jekomne ut wiede Lenda, vom Himmelsenj, de Har un Jereetschoft von sienem Jrim, om daut gaunze Launt too vedoawen.

⁶Hielt, dan de Dach Gottes es dichtbie; hee kjemt aus eene Vewustunk vom Aulmajchtjen.

⁷Doarom woaren aule Henj enschlopen, un jiedret Menschenhoat woat veschmelten.

⁸Un see woaren erschrakjen, Wee un Weedoag woaren an packen, see woaren sikj dreien aus eene Jebäarende; eena kjikjt däm aundren aun, äare Aunjesechta sent fiaroot.

⁹Kjikj, grausom kjemt de Dach Gottes, un Jrim un jläjendja Oaja, om de Ieed to eene Wieste too moaken; un äare Sinda woat hee von deeselwje vetiljen.

¹⁰Dan de Stierns aum Himmel un sien Stearnbilt woaren äa Licht nich dachen loten; de Sonn woat diesta sennen bie äarem Oppgonen, un de Mon woat sien Licht nich dachen loten.

¹¹Un ekj woa aun däm Ieedkjreis daut booshaufte strofen, un aun de Gottloose äare Misdot; un ekj woa een Enj moaken met däm Äwamoot de Stolte un de Huachmoot de Jewault doonende raufsaten.

¹²Ekj well däm Stoaflichen reina moaken aus reinet Golt, un däm Mensch aus Golt von Ofir.

¹³Doarom lot ekj de Himmel zetren, un de Ieed woat oppbäbe von äare Städ: Biem Jrim Gottes de Häaschoa un aum Dach siene Zorngloot.

¹⁴Un daut woat sennen aus met eene veenjste Ree un aus eene Häad, dee kjeena saumelt: Een jiedra woat sikj no sienem Volkj dreien, un een jiedra en sien Launt ranen.

¹⁵Jiedra dee jefungen woat, woat derchjestoaken woaren; un wäa jejräpen woat, woat derch daut Schwieet faulen.

¹⁶Un äare Kjinja woaren ver äare Uagen veschmatat, äare Hiesa Jeplindat un äare Frues met Schaund bedakjt woaren.

¹⁷Kjikj, ekj erwakj jäajen an de Meeda, dee Selwa nich achten un aun Golt kjeen jefaulen ha.

¹⁸Un äare Boages woaren Jinjlinje dolstrakjen, un äwa de Frucht vom Lief woaren see sikj nich erboarmen, äa Uag woat de Kjinja nich schoonen.

¹⁹Un Babel, de Zia (daut baste) de Kjennichrikjs, Schmuckstekj von Huachmoot de Chaldäa, woat sennen aus daut trigjkomen Sodom un Gomorra derch Gott.

²⁰Daut woat en Eewichkjeit nich bewont woaren, un woat nich mea aunjesiedelt woaren von Jeschlajcht too Jeschlajcht; un de Araba woat doa nich sien Zelt oppstalen, un de Hoads woaren doa nich loagren loten.

²¹Oba Wiestetiere woaren doa loagren, un Ule äare Hiesa fellen; un Strausse woaren doa wonen un Bakj doa hupsen;

²²un wille Hunj woaren jule en siene Paulausten un Schakale enne Losthiesa. Un äare Tiet es dichtbie jekomen, un äare Doag woaren nich velenjat woaren.