Read De Bibel JHF Jesaja 15 Bible Online

Jesaja 15 - De Bibel JHF bible

Jesaja 15

¹Spruch äwa Moab. Dan äwa Nacht es Ar-Moab vewust, venicht; dan äwa Nacht es Kir-Moab vewust, venicht.

²Maun sticht nom Jetzentempel nopp, un no Dibon opp de Hechten, om to hielen; opp Nebo un opp Medeba jaumat Moab; opp aule siene Heipta es eene Glauts, jieda Boat es aufjeschoare.

³Opp siene Gaussen sent see met Sakduak omjebungen, opp siene Däakja un opp siene Moakjtplaza jaumat aules, veranen en Tronen.

⁴Un Hesbon schricht un Elale; bat Jahaz woat äare Stemm jehieet. Doarom schricht Moabs Kjrichsvolkj lud opp, siene Seel bäbt en am.

⁵Mien Hoat schricht äwa Moab - siene Flichtlinja ranen bat Zoar, bat Eglat. Dan de Aunboajch von Luchit jeit maun met Hielen enopp; dan opp däm Wajch no Horonaim erhäft maun jauma Jeschrecht.

⁶Dan de Wota von Nimrim sellen too eene Wieste woaren. Dan vedrieecht es daut Grauss, veschmacht daut Krut; daut Jreens es nich mea.

⁷Doarom droagen see waut see äwajehoolen ha un äa Oppbewoadent äwa däm Wiedefluss.

⁸Dan daut Weejeschrecht es rund jegonen enne Jrensen von Moab: Bat Eglaim drinjt sien Jaumre, un bat Beer-Elim sien Jaumre.

⁹Daut Wota von Dimon es voll von Bloot; dan ekj vehenj noch mea Onheil äwa Dimon: Eenen Leiw äwa de Wajchjeranden von Moab un äwa dee Äwajebläwne em Launt.