Read De Bibel JHF Jesaja 18 Bible Online

Jesaja 18 - De Bibel JHF bible

Jesaja 18

¹Wee! Launt de äwaschautende Flichten, jantsied de Streem von Ätiopien,

²daut Booten opp daut Mäa un Ruaschäp äwa de Wotasch schekjt! Got han, haustje Booten, no de Nazion, dee wiet han jeschlapt un berooft es, nodäm Volkj, schrakjlich, soo lang daut es un wiedahan, de Nazion von Väaschreft opp Väaschreft un doljeklunjt, dee äa Launt Streem berooft ha.

³Jie aula, Bewona vom Ieedkjreis un dee jie opp de Ieed wonhauft sent, wan maun een Tieekjen opp de Boaj opphäft, soo kjikjt han; un wan maun en de Posaun stat, soo hia!

⁴Dan aulsoo haft de Har to mie jerät: Ekj well stell sennen un well tookjikjen en miene Wonstäd, aus kloare Woamd bie Sonnenschien, aus Deiwwolkje enne woame Arnttiet.

⁵Dan ver de Arnt, sooboolt daut Blieejen vebie es un de Bloom too eene riepe Druw woat, doa woat hee de Rank aufschnieden met eenem Wienmassa un de Rank woat aufjehakt wajch jedonen.

⁶See woaren aula toop de Raupväajel de Boaj un de Tieren de Ieed äwaloten woaren; un de Raupväajel woaren doabowen äwa Somma bliewen, un aule Tieren de Ieed woaren doabowen äwa Winta bliewen.

⁷En jane Tiet woat däm Gott de Häaschoa een Jeschenkj jebrocht woaren: Een Volkj, daut wiet wajch jeschlapt un berooft es, un von eenem Volkj, wundaboa von doa aun es un wiedahan, eene Nazion von Väaschreft opp Väaschreft un doljeklunjt, dee äa Launt Streem berooft ha, - nodäm Nomen de Städ Gottes de Häaschoa, nom Boajch Zion.