Read De Bibel JHF Jesaja 21 Bible Online

Jesaja 21 - De Bibel JHF bible

Jesaja 21

¹Utspruch äwa de Wieste aum Mäa. Aus een Storm, dee von Sieden doahan foat, soo kjemt daut ut de Wieste, ut eenen furchtboaren Launt.

²Een hoadet Jesecht es mie jewast worden: De Reiba rooft, un de Vewiesta vewust. Trakj nopp, Elam! Beloaga, Media! Aul äarem Seften moak ekj een Enj.

³Doarom sent miene Lenden voll Weedoag, Weedoag ha mie jejräpen aus de Wee von eene Jebäarende; ekj kjrell mie, daut ekj nich hia, sie enjstlich, daut ekj nich seenen kaun.

⁴Mien Hoat schleit wilt, schudahauft enjst ekj mie; daut Tweediesta Dunkelheit, dee ekj leef, haft hee mie en Bäben vewaundelt.

⁵Maun moakt däm Desch reed, daut wache de Wajchta, maun at, maun drinkjt: Stot opp, jie Ferschten! Saulwt daut Schild!

⁶Dan aulsoo haft de Har to mie jerät: Go han, stal eenen Wajchta opp; waut hee sitt, saul hee berechten.

⁷Un hee sach väl Rittasch: Poawies rieden; Rittasch opp Esel un Rittasch opp Kameelen. Un hee hieed sea jeneiw, met groote Oppmoakjsomkjeit;

⁸un hee roopt aus een Leiw: Har, ekj sto bestendich äwa Dach oppe Lua, un doa opp miene Woakstäd sto ekj de Nachten derch!

⁹Un kjikj doa, daut komen Mana, Ritta poawies. Un hee funk aun un säd: Jefollen, jefollen es Babel, un aule jeschnädne Bilda von siene Jetta haft hee oppe Ieed jeschmäten!

¹⁰Du mien jedroschnet [Volkj] un mien Sän de Draschdäl! Waut ekj vom Gott de Häaschoa, däm Gott Israel, jehieet, ha ekj uk vekjindicht.

¹¹Utspruch äwa Duma. Ut Seir roopt maun mie too: Wajchta, woo wiet es daut enne Nacht? Wajchta, woo wiet enne Nacht?

¹²De Wajchta sajcht: De Morjen kjemt, un uk de Nacht. Well jie froagen, soo froacht! Dreit wada om, komt häa!

¹³Utspruch äwa Arabien. Enne Wiltnis von Arabien mott jie äwanachten, Karawane de Dedanita.

¹⁴Brinjt däm Darschtjen Wota entjäajen! De Bewona vom Tema Launt komen met äarem Broot däm Flichtlinkj entjäajen.

¹⁵Dan see ranen von daut Schwieet, ver däm jetrocknen Schwieet un ver däm jetrocknen Boagen un ver däm groote Kjrich.

¹⁶Dan aulsoo haft de Har to mie jerät: En eenem Joa, aus daut Joa von eenem Doagesleena. Woat aule Harlichkjeit Kedar veschwinjen.

¹⁷Un de äwajebläwne Zol de Boages, de Helden, de Säns Kedar, woat jerinj sennen; dan de Har, de Gott Israel, haft jerät.